ಮಲೆನಾಡ ಜಾವಳಿ

ಮಲೆನಾಡ ಸುಂದರ ಸ್ವಚ್ಛಂದ ಪರಿಸರದಲ್ಲಿ ಹುಟ್ಟಿ,ಬೆಳೆದು, ಹೊಟ್ಟೆಪಾಡಿಗಾಗಿ ನಗರ ಸೇರಿ ಇಲ್ಲಿಯ ವಾಹನದಟ್ಟಣೆ, ಪರಿಸರ ಮಾಲಿನ್ಯ, ಜೀವನ ಜಂಜಾಟಗಳಿಂದ ಬೇಸತ್ತಿದ್ದಾಗ, ಪ್ರಕೃತಿಯ ಮಡಿಲಿಗೆ ಪ್ರಯಾಣ ಬೆಳೆಸುವ ಯಾವ ಅವಕಾಶವನ್ನು ಕಳೆದುಕೊಳ್ಳಲಾಗುವುದಿಲ್ಲ.
ಹಾಗೆ, ನಾವೆಲ್ಲಾ ಸೇರಿ, ಈ ಭಾರಿ ಹೇಮಾವತಿ ನದಿಯ ಉಗಮ ಸ್ಥಳಕ್ಕೆ ಪ್ರಯಾಣ ಮಾಡಲು ನಿರ್ಧರಿಸಿದೆವು. ಚಿಕ್ಕಮಗಳೂರು ಜಿಲ್ಲೆ, ಮೂಡಿಗೆರೆ ತಾಲ್ಲುಕಿನ 'ಜಾವಳಿ' ಎಂಬ ಸ್ಥಳ ನಮ್ಮ ನಾಡಿನ ಪ್ರಸಿದ್ದ ಹೇಮಾವತಿ ನದಿಯ ಉಗಮಸ್ಥಾನ. ಕೊಟ್ಟಿಗೆಹಾರ - ಕಳಸ ರಸ್ತೆಯ ೯ನೆ ಕಿ.ಮೀ.ಯಲ್ಲಿ ಬಲಕ್ಕೆ ತಿರುಗಿ ಒಂದೂವರೆ ಕಿ.ಮೀ ಕಾಡು ದಾರಿಯಲ್ಲಿ ಚಲಿಸಿದರೆ, ದಟ್ಟ ಕಾಡಿನ ನಡುವಿನ ಹೇಮಾವತಿ ಉಗಮಸ್ಥಾನವನ್ನು ತಲುಪಬಹುದು. ಕಾಡು ಹಾದಿಯಾದರೂ, ಸಣ್ಣ ವಾಹನಗಳಲ್ಲಿ ಗಮ್ಯ ಸ್ಥಾನ ತಲುಪಲು ಅಡ್ಡಿ ಇಲ್ಲ. ಸಕಲೇಶಪುರದಿಂದ ಕೊಟ್ಟಿಗೆಹಾರದವರೆಗಿನ ರಾಜ್ಯ ಹೆದ್ದಾರಿಯ ಸ್ಥಿತಿ ಮಾತ್ರ ಶೋಚನೀಯ.

ಬಿಂದುವಾಗಿ ಉಗಮಿಸುತ್ತಿರುವ ಹೇಮಾವತಿ

ಜಾವಳಿಯಲ್ಲಿ ಹೇಮಾವತಿ ದಟ್ಟ ಕಾಡಿನ ಬೆಟ್ಟದ ಮೇಲಿಂದ ಸಣ್ಣ ಬಿಂದುಗಳಾಗಿ ಜನಿಸುತ್ತಾಳೆ. ಕಡುಬೇಸಿಗೆಯಲ್ಲೂ, ಬಿರುಮಳೆಯಲ್ಲೂ ನೀರಿನ ಹರಿವು ಒಂದೇ ಸಮನಾಗಿರುತ್ತದೆ. ಉಗಮವಾದ ನದಿ ಪಕ್ಕದಲ್ಲಿರುವ ಸಣ್ಣ ಕೊಳದಲ್ಲಿ ಸಂಗ್ರಹಗೊಂಡು, ಅದರ ಪಕ್ಕದ ಸ್ವಲ್ಪ ದೊಡ್ಡ ಕೊಳಕ್ಕೆ ಅಂತರಗಂಗೆಯಾಗಿ ಪ್ರವಹಿಸುತ್ತಾಳೆ. ಆ ಕೊಳದಿಂದ ಸ್ವಲ್ಪ ದೂರದಲ್ಲಿರುವ ಒಂದು ಕೆರೆಗೆ ಗುಪ್ತ ಗಾಮಿನಿಯಾಗಿ ಬಂದು ಸೇರುತ್ತಾಳೆ. ಅಲ್ಲಿಂದ ಮುಂದೆ ಸಣ್ಣ ಝರಿಯಾಗಿ, ಹೊಳೆಯಾಗಿ, ನದಿಯಾಗಿ, ಕಾವೇರಿಯನ್ನು ಸೇರಿ ಅದರ ಮೂಲಕ ಬಂಗಾಳ ಕೊಲ್ಲಿಯಲ್ಲಿ ಲೀನವಾಗುತ್ತಾಳೆ.

ಶಕ್ತಿ ಗಣಪತಿಯ ಗುಡಿ 

ಉಗಮ ಸ್ಥಳದಲ್ಲಿ ವಿನಾಯಕನ ಪುಟ್ಟ ಗುಡಿಯೊಂದಿದೆ. ಮುದ್ದಾದ ದೇವ ವಿಗ್ರಹ, ಗುಡಿಯ ವಿನ್ಯಾಸ ಚಾರಣಿಗರ ಕಣ್ಮನ ಸೆಳೆಯುತ್ತದೆ. ಅಲ್ಲಿನ ಪರಿಸರ, ಪ್ರಕೃತಿ ವಿವರಿಸಲು ಭಾಷೆ ಸಾಲದು. ಸುಂದರಾತಿಸುಂದರ ಎಂದರೆ ಸತ್ಯಕ್ಕೆ ಹತ್ತಿರವಾಗಬಹುದೇನೋ! ಶಕ್ತಿ ಗಣಪತಿ ಹಾಗು ಹೇಮಾವತಿಯ ದರ್ಶನದಿಂದ, ಅಲ್ಲಿಗೆ ತಲುಪಿದ ಎಲ್ಲ ಶ್ರಮ, ಆಯಾಸ ಮರೆಯಾಗುತ್ತದೆ. ಮನಸ್ಸು ಮುದಗೊಳ್ಳುತ್ತದೆ.
ದೇವಳದ ಪರಿಸರ ಅತ್ಯಂತ ಶುಚಿಯಾಗಿದೆ. ದೇವಾಲಯದ ಮುಂದಿರುವ ದೊಡ್ಡ ಸಂಪಿಗೆ ಮರ ಪೂಜೆಗೆ ಹೂವನ್ನು ಒದಗಿಸುವುದರೊಂದಿಗೆ, ಸುತ್ತಮುತ್ತ ಪರಿಮಳವನ್ನೂ ಪಸರಿಸುತ್ತದೆ. ಹೇಮಾವತಿಯ ತೀರ್ಥ ಅತಿ ಮಧುರವಾಗಿದೆ.

ಪರಿಸರದ ಮಡಿಲಲ್ಲಿ ಅನಂದದಲ್ಲಿದ್ದಾಗ ಮತ್ತೆ ನಗರದ ಜಂಜಾಟಕ್ಕೆ ಮರಳುವ ನೆನಪಾಯಿತು. ಒಲ್ಲದ ಮನಸ್ಸಿನಿಂದ ಹಿಂದಿರುಗಿದೆವು.

S.Nanjundaswamy

ನಮೋ - ನಮೋ

ಮೊನ್ನೆಯ ನ್ಯೂಸ್ ಐಟಂ ಒಂದನ್ನು ನೋಡಿ, ನನ್ನಲ್ಲೂ ಸ್ವಲ್ಪ ತಳಮಳ ಉಂಟಾಗಿದೆ. ಬಹುಷಃ ನೀವೆಲ್ಲರೂ ಈ ನ್ಯೂಸ್ ಐಟಂ ನೋಡಿಯೇ ಇರುತ್ತೀರಾ. ಲೋಕಸಭೆ ಚುನಾವಣೆ ಫಲಿತಾಂಶ ಬಂದಂದಿನಿಂದ ನಮ್ಮ ಪ್ರಸಿದ್ಧ ಮಾನ್ಯ ಲಾಲೂಜಿರವರಿಗೆ ಊಟ ಸೇರುತ್ತಿಲ್ಲವಂತೆ, ನಿದ್ರೆ ಬರುತ್ತಿಲ್ಲವಂತೆ. ಅವರ ಅರೋಗ್ಯ ನೋಡಿಕೊಳ್ಳುತ್ತಿರುವ ವೈದ್ಯರು ಅವರಿಗೆ ಎಚ್ಚರಿಕೆಯನ್ನೂ ಕೊಟ್ಟಿದ್ದಾರಂತೆ. ಹೀಗೇ ಮುಂದುವರೆದರೆ ಅವರಿಗೆ ಕೊಡುತ್ತಿರುವ ಔಷಧಗಳಾವುವೂ  ಪರಿಣಾಮಕಾರಿಯಾಗದೆ ಪರಿಸ್ಥಿತಿ ಬಿಗಡಾಯಿಸಬಹುದೆಂದು. ಪಾಪ ಅವರ ಪಕ್ಷದ ಉಮೇದುವಾರರಾರೂ ಚುನಾವಣೆಯಲ್ಲಿ ಗೆಲ್ಲದೇ ಅವರಿಗೆ ಎಷ್ಟು ನೋವುಂಟು ಮಾಡಿದ್ದಾರೆಂದು ಆ ವೈದ್ಯರಿಗೆ ಹೇಗೆ  ತಾನೇ ಅರ್ಥವಾಗುತ್ತೆ? ಅವರೇನು ಈ ಚುನಾವಣೆಗಳ ಗೊಡವೆಗೆ ಹೋಗಿದ್ದರೆ?

ಸರಿ, ಇದಕ್ಕೂ ನನ್ನ ತಳಮಳಕ್ಕೂ ಏನಪ್ಪಾ ಸಂಬಂಧ? ಗೋಕುಲಾಷ್ಟಮಿಗೂ ಇಮಾಂ ಸಾಬರಿಗೂ...? ಎಂದು ನೀವೆಲ್ಲಾ ನನ್ನ ಮೇಲೆ ಮುಗಿಬೀಳುವಿರೆಂದು ನನಗೆ ಗೊತ್ತು. ಸ್ವಲ್ಪ ಸಮಾಧಾನವಿರಲಿ.

ಚುನಾವಣೆ ಫಲಿತಾಂಶ ಬಂದ ದಿನದಿಂದ ಖಂಡಿತವಾಗಿ ನೀವೆಲ್ಲರೂ ಒಂದು ಅತಿ ಮುಖ್ಯ ಬದಲಾವಣೆ ಗಮನಿಸಿರುತ್ತೀರ. ಆದರೆ ನನ್ನ ಹಾಗೆ ತಳಮಳವಾಗದಿರಬಹುದು. ಸುಮಾರು ಐದು ವರ್ಷಗಳಿಂದ ತಪ್ಪದೇ ರಾಹುಲ್ ಜಿ, ದೀದಿ ಜಿ, ದಿಗ್ಗಿ ಜಿ, ಬಹನ್ ಜಿ, ಗೌಡಾ ಜಿ, ನಾಯ್ಡು ಜಿ, ಲಾಲೂ ಜಿ, ಸಿದ್ದೂ ಜಿ, ಕುಮಾರಣ್ಣ ಮುಂತಾದ ಅನೇಕ 'ಜೀ' ಗಳು ಪ್ರಧಾನಮಂತ್ರಿ ಮೋದಿಯವರನ್ನು ಒಂದು ಕ್ಷಣವೂ ಬಿಡದೇ ಧ್ಯಾನಿಸುತ್ತಿದ್ದರು. ಎಷ್ಟು ಬಗೆಯ ಬಿರುದು-ಬಾವಲಿಗಳನ್ನು ಅವರಿಗೆ ಕೊಟ್ಟಿದ್ದರು. ಇದ್ದಕ್ಕಿದ್ದಹಾಗೆ ಇವೆಲ್ಲ ತಣ್ಣಗಾದರೆ ತಳಮಳವಲ್ಲದೆ ಏನಾಗಬೇಕು? ಬೈಗುಳ ಕೇಳಿ-ಕೇಳಿ ಅದೇ ಒಂದು ರೀತಿ ಜೋಗುಳದ ಹಾಗೆ ಅಭ್ಯಾಸವಾಗಿತ್ತು. ದೇವತೆಗಳಿಗೆ ಬೆಳದಿಂಗಳು ಅಮೃತದ ಹಾಗಂತೆ. ನನಗೂ (ಬಹುಷಃ ಮೋದಿ ಜಿ ರವರಿಗೂ) ಈ ಬೈಗುಳ, ಆಪಾದನೆ ಎಷ್ಟು ಅಭ್ಯಾಸವಾಗಿದೆಯೆಂದರೆ ಅವಿಲ್ಲದೆ ಊಟ ಸೇರುವುದಿಲ್ಲ, ನಿದ್ರೆ ಬರುವುದಿಲ್ಲ. ಯಾವ ಕೆಲಸದಲ್ಲೂ ಮನಸು ನಿಲ್ಲುತ್ತಿಲ್ಲ. ಯಾರೊಡನೆಯೂ ಮಾತು-ಕಥೆ ಬೇಕಿಲ್ಲ. ಒಂದು ರೀತಿಯ ವೈರಾಗ್ಯ ಭಾವ. ಇಂಥಾ ಬೈಗುಳಗಳಿಲ್ಲದೇ ಮುಂದೆ ಹೇಗಪ್ಪಾ ಬದುಕು ಸಾಗಿಸುವುದು ಎನಿಸಿಬಿಟ್ಟಿದೆ!!

ಇವರೆಲ್ಲರ ಈ ಬೈಗುಳಗಳನ್ನು ನಮಗೆಲ್ಲಾ ತಲುಪಿಸಲು ' ಪ್ರೆಸ್ಸ್ಟಿಟ್ಯೂಟ್ಸ್ ' ಗಳ ಪಾತ್ರ ಅತಿ ಮಹತ್ವವಾದುದು. ಅವರಿಲ್ಲದಿದ್ದರೆ ನಮ್ಮ ಬದುಕು ಶೂನ್ಯ, ಬರಡಾಗುತ್ತಿತ್ತು. ಪಾಪ ಬಹಳ ಮುತುವರ್ಜಿ ವಹಿಸಿ ಅತಿ ಸಾಮಾನ್ಯ ಪುಡಾರಿಯಿಂದ ಅತಿ ದೊಡ್ಡ ನೇತಾರರ ಬೈಗುಳಗಳನ್ನು ಅದೆಷ್ಟೇ ಕಷ್ಟವಾದರೂ ನಮಗೆ ಮುಟ್ಟಿಸಿ ನಮ್ಮನ್ನು ಕೃತಾರ್ಥರನ್ನಾಗಿಸಿದ್ದಾರೆ. ನಾವೆಲ್ಲರೂ ಅವರಿಗೆ ಚಿರಋಣಿಯಾಗಿರಬೇಕಾದ್ದು ನಮ್ಮೆಲ್ಲರ ಕರ್ತವ್ಯ.

ಬರೇ ಬೈಗುಳ ಕೇಳುವುದಲ್ಲದೇ, ಅವರ ಮುಖಭಾವ ನೋಡಿ ಅದನ್ನು ಅನುಭವಿಸಿದ ಸುಖವನ್ನು ಹೇಗೆ ವರ್ಣಿಸಲಿ?

೬ನೇ ಹಂತದ ಚುನಾವಣಾ ಪ್ರಚಾರ ಸಭೆಯಲ್ಲಿ ದೀದಿ ಜಿ ಸಭಿಕರನ್ನು ತಂದೆ-ತಾಯಿಯರೇ, ಅಕ್ಕ-ತಂಗಿಯರೇ, ಅಣ್ಣ-ತಮ್ಮಂದಿರೇ, ನೀವೆಲ್ಲರೂ ಮೋದಿಯವರನ್ನು ದೇಶ ಬಿಟ್ಟೇ ಓಡಿಸಿ ಎಂದು ಕೊಟ್ಟ ಕರೆ, ಅವರ ಮುಖ ಭಾವ, ಆಂಗಿಕ ಪ್ರದರ್ಶನ ಯಾರಾದರೂ ಮರೆಯಲುಂಟೇ? ಅವರ ಭಾಷಣ ಕೇಳಿದ ಯಾರಿಗಾದರೂ ಅವರು ಸೋಲಿನ ಹಾದಿಯಲ್ಲಿದ್ದು ಡೆಸ್ಪರೇಟ್ ಆಗಿದ್ದರೆನಿಸಿದ್ದರಲ್ಲಿ ಉತ್ಪ್ರೇಕ್ಷೆಯೇನೂ ಇಲ್ಲ. ನಮ್ಮ ರೇವಣ್ಣ, ಕುಮಾರಣ್ಣ, ಸಿದ್ದೂಜಿ, ಗೌಡಾಜಿ ಅಲ್ಲದೆ ಸಣ್ಣ-ಪುಟ್ಟ ಮಾಂಡಲೀಕರೂ ಕೂಡ ಮೋದಿಯವರನ್ನು ಹೀಯಾಳಿಸಿ, ಏಕವಚನದಲ್ಲಿ ಸಂಬೋಧಿಸಿದ್ದನ್ನು ಯಾರು ತಾನೇ ನಿರಂತರ ನೆನಪಿನಿಂದ ಅಳಿಸಿಹಾಕಲು ಸಾಧ್ಯ? ನಾನು ಯಾವ ಪಕ್ಷಕ್ಕೂ ಸೇರಿಲ್ಲ. ನಮ್ಮ ಪ್ರಧಾನಿಯವರನ್ನು ವಿನಾಕಾರಣ ನಿಂದಿಸಿದ್ದಕ್ಕೆ ನನ್ನ ತಕರಾರು. ಅವರ ಬಗ್ಗೆ ಏನಾದರೂ ಅಭಿಪ್ರಾಯ ಭೇದವಿದ್ದರೆ ಸಹ್ಯ ಮಾತುಗಳಲ್ಲೇ ತರ್ಕಬದ್ಧವಾಗಿ ಮಂಡಿಸಿ ಪ್ರಚುರಪಡಿಸಬಹುದಿತ್ತು. ಅದನ್ನು ಎಲ್ಲರೂ ಒಪ್ಪುತ್ತಿದ್ದರೇನೋ! ಹೀನ ಶಬ್ದಗಳಲ್ಲಿ ನಿಂದನೆ ಯಾರಿಗೂ ಶೋಭೆ ತರುವುದಿಲ್ಲ. ಒಟ್ಟಿನಲ್ಲಿ ಈ ನಿಂದನಾಪರ್ವ ಸತತ ೫ ವರ್ಷ ಮುಂದುವರೆದು ಈಗ ಸ್ತಬ್ದವಾಗುವ ಹಂತ ತಲಪಿರಬಹುದು.

ಇಂದಿನಿಂದ  ಹೊಸ ಪರ್ವ ಪ್ರಾರಂಭ. ನಿರೀಕ್ಷೆ ಬಹಳ ಇದೆ. ನೋಡೋಣ ಹೇಗಾಗುತ್ತೆ ಅಂತ. ಅದನ್ನೆದುರಿಸಲು ನಾವೆಲ್ಲರೂ ತಯಾರಾಗೋಣ.

ಪ್ರಜಾಪ್ರಭುತ್ವ-ಚುನಾವಣೆ

ಕರ್ನಾಟಕದಲ್ಲಿ ಮೊದಲ ಹಂತದ ಮತದಾನ ಮುಗಿದು ನಮ್ಮ ನೆಚ್ಚಿನ TV ಆಂಕರ್ ಗಳಿಂದ ಸ್ವಲ್ಪ ಮಟ್ಟಿನ ಬಿಡುವು ದೊರೆತು, ನಾವು ಇಷ್ಟು ನೆಮ್ಮದಿಯಾಗಿ ಇರಬಹುದಲ್ಲವೇ ಎಂಬ ಸೋಜಿಗ ಪೂರಿತ ಅಲ್ಪ ಸಮಾಧಾನ ದೊರೆಯುವ ಈ ಹೊತ್ತಿನಲ್ಲಿ , ನನಗೆ ಒಂದು ಸಂದೇಹ ಕಾಡಲು ಶುರುವಾಗಿದೆ . ಲೋಕಸಭಾ  ಚುನಾವಣೆಯ ಮೊದಲ ಹಂತದ ಕರ್ನಾಟಕದ ೧೪ ಸ್ಥಾನಗಳಿಗೆ    ಸ್ಪರ್ಧೆ ನಡೆಯಿತಾದರೂ , ಮಂಡ್ಯ ಒಂದರಲ್ಲೇ   ಚುನಾವಣೆ ನಡೆಯುತ್ತಿದೆಯೇನೋ ಎನಿಸುವಂತೆ ಈ ಪತ್ರಕರ್ತರು ಪ್ರಚಾರ ಕೊಟ್ಟದ್ದು, ದಿನದ ೨೪ ತಾಸು ಆ ಪ್ರಚಾರದ ಪ್ರಸಾರ ಮಾಡಿ ನಮ್ಮೆಲ್ಲರಿಗೂ ನಮ್ಮ ಸ್ವಂತ ಊರಿನಲ್ಲೂ ಚುನಾವಣೆ ನಡೆಯುತ್ತಿದೆಯೆಂಬ ಅರಿವನ್ನು ಮರೆಸಿದ್ದು ,ಅವರ  ಬುದ್ಧಿಶಕ್ತಿಯೋ , ಅವರ ಮಂಡ್ಯ ಪ್ರೇಮವೋ , ತೆರೆಮರೆಯ ಕೈಗಳೋ , ಅಥವಾ ಅವರ ಬೌದ್ಧಿಕ ದಿವಾಳಿತನವೋ ಎಂದು . ಅಂತೂ ಒಟ್ಟಿನಲ್ಲಿ ನಮ್ಮೆಲ್ಲರಿಗೂ  ಸುಮಾರು ಎರಡು ವಾರಗಳ ಕಾಲ ನಮ್ಮನೆಚ್ಚಿನ ಸಿನಿಮಾ ನಟರುಗಳ ,ರಾಜಕೀಯ ಧುರೀಣರ ,ಅವರ ಮಕ್ಕಳ , ಪ್ರಚಾರದ ಅಬ್ಬರ ,ಅವರ ಬೆಂಬಲಿಗರ ಓಡಾಟ, ಒಡನಾಟ ತೋರಿಸಿ, ಮಂಡ್ಯದ ಮೂಲೆ -ಮೂಲೆ ಕಾಣಿಸಿ  ಜನ್ಮ ಸಾಫಲ್ಯ ದೊರಕಿಸಿಕೊಟ್ಟರು . ಇದರಷ್ಟು ಪ್ರಚಾರ ಕರ್ನಾಟಕದ ಯಾವುದೇ ಸ್ಥಾನಕ್ಕೂ ದೊರೆತಿಲ್ಲವೆಂದು ನನ್ನ ಅನಿಸಿಕೆ . ಮಾಜಿ ಪ್ರಧಾನಿ ಗಳು ಸ್ಪರ್ದಿಸಿದ್ದ ತುಮಕೂರು ಕೂಡಾ ಇಷ್ಟು ಮಹತ್ವ ಗಳಿಸಲಿಲ್ಲ . ಈ ಪ್ರಚಾರದಲ್ಲಿ ಅನೇಕ ಪದ-ಪುಂಜ ಗಳ ಆವಿಷ್ಕಾರ ಆಗಿ ಕನ್ನಡ ಭಾಷೆ ಸ್ವಲ್ಪ ಶ್ರೀಮಂತ ವಾಯಿತೆನ್ನಬಹುದು . ಹೊಸ-ಹೊಸ ಬೈಗುಳ , ಪರಸ್ಪರ ಕೆಸರೆರಚಾಟ ,ವ್ಯಂಗ್ಯ , ಆರೋಪ-ಪ್ರತ್ಯಾರೋಪ ವ್ಯಕ್ತಿಗತ  ಠೀಕೆ -ಟಿಪ್ಪಣಿಗಳು , ಯೆಲ್ಲವೂ ಸೇರಿ ಲೋಕಸಭೆಯ ಉಮೇದುವಾರಿಕೆಯ ಘನತೆಗೆ ಕುಂದುಂಟಾಗುವಂತೆ ಆಯಿತೆನಿಸುತ್ತೆ . ಘನತೆ -ಗೌರವ ದಿಂದಲೂ ಮತಬೇಟೆ ಸಾಧ್ಯ ವೆಂಬುದು ನಮಗೆ ಗೊತ್ತಿಲ್ಲ . !!

ಪ್ರಜಾಪ್ರಭುತ್ವದಲ್ಲಿ ಟೀಕೆ , ಭಿನ್ನಾಭಿಪ್ರಾಯ ಸಹಜ . ಇದರಿಂದ ಆಗಿರುವ ತಪ್ಪುಗಳನ್ನು ಸರಿಪಡಿಸಲು ಅವಕಾಶವಾಗುತ್ತೆ   ಆದರೆ  ಮಿಥ್ಯಾಪವಾದ , ಆಧಾರರಹಿತ ಆರೋಪ  ಬೆಳವಣಿಗೆಯನ್ನು ಕುಂಠಿತ ಗೊಳಿಸಬಹುದು. ನಿಂದನೆ ಯಾರಿಗೂ ಶೋಭೆ ತರುವುದಿಲ್ಲ . 

ಈ ಚುನಾವಣೆಯಲ್ಲೂ , ಯಥಾಪ್ರಕಾರ , ಮತಪಟ್ಟಿ ಲೋಪ ಹೆಚ್ಚಿನ ಸದ್ದು ಮಾಡುತ್ತಿದೆ. ಸ್ವಾತಂತ್ರ ದೊರೆತು ೭೨ ವರುಷ ವಾದರೂ ದೋಷವಿಲ್ಲದ, ಅರ್ಹರನ್ನೊಳಗೊಂಡ ಮತಪಟ್ಟಿ ತಯಾರಿಸುವಲ್ಲಿ ನಮ್ಮ ವೈಫಲ್ಯ  ನಾಚಿಕೆಗೇಡಿನ ಸಂಗತಿ. ಸರಕಾರಿ ಯಂತ್ರ ಇಷ್ಟು ಬೇಜವಾಬ್ದಾರಿ ಹಾಗು ನಾಲಾಯಕ್ ಎನಿಸುವುದಿಲ್ಲ . ಈ ಲೋಪ ಮುಂದುವರಿಸಿಕೊಂಡು ಬರುತ್ತಿರುವುದಕ್ಕೆ ಬೇರೇನೋ ಕಾರಣವಿರಬೇಕು . ಆದರೆ ಈ ಲೋಪ ನಮ್ಮೆಲ್ಲರಿಗೂ ನಾಚಿಕೆಗೇಡಿನ ಸಂಗತಿ . ಇಷ್ಟು ಮುಂದುವರೆದಿರುವ ಈ ಕಂಪ್ಯೂಟರ್ ಯುಗದಲ್ಲೂ ,ಮತದಾರ ಪಟ್ಟಿ ನಿಖರವಾಗಿ, ದೋಷರಹಿತವಾಗಿರಲು ಯಾಕೆ ಸಾಧ್ಯವಾಗುತ್ತಿಲ್ಲವೆಂದು ನನಗೆ ತಿಳಿಯದು . 

ಪ್ರಾಣಿಗಳ ವಿಮೆ ಮಾಡುವಾಗ , ಅವುಗಳ ಗುರುತಿಗಾಗಿ ಅವುಗಳ ಕಿವಿಗೆ ಒಂದು ನಿರ್ಧಿಷ್ಟ ನಂಬರ್ ಇರುವ ಓಲೆ ತೊಡಿಸುತ್ತಾರೆ .ಹಾಗೇ ನಮಗೂ ವೋಟು ಹಾಕಿದ್ದೇವೆನ್ನುವ ಗುರುತಿಗೆ ನಮ್ಮ ಕೈ ಬೆರಳಿಗೆ ಅಳಿಸಲಾಗದ ಶಾಯಿ ಗುರುತು ಹಾಕಲಾಗುತ್ತೆ . !! ಈ ಶಾಯಿ ,ಬೂತ್ ನಲ್ಲಿ ಕುಳಿತಿರುವ ,ಸಂಭಂದಪಟ್ಟ ಅಧಿಕಾರಿಯ ಕಲಾ ಪ್ರಜ್ಞೆ ಯ ದ್ಯೋತಕ . ಅವರಿಗೆ ಖುಷಿ ಯಾಗುವಷ್ಟು ನಮ್ಮ ಬೆರಳಿನಮೇಲೆ ಚಿತ್ತಾರ ಮೂಡುತ್ತೆ . ಶಾಯಿ ಗುರುತು ಹಾಕಲು ಯಾವುದೇ ನಿರ್ಬಂಧವಿಲ್ಲ . ಆ ಅಧಿಕಾರಿಯ ಮೂಡ್ , ಸಮಯದ ಲಭ್ಯತೆ , ಜನಜಂಗುಳಿ ಮುಂತಾದವು ಈ ಚಿತ್ತಾರ ನಮ್ಮ ಬೆರಳಿನಮೇಲೆ ಹೇಗೆ ಮೂಡಿಬರಬೇಕೆಂಬುದನ್ನು ನಿರ್ಧರಿಸುತ್ತವೆ . ಚುನಾವಣೆ ಮುಗಿದ ತಿಂಗಳು,ಎರಡು ತಿಂಗಳವರೆಗೆ ಈ ಚಿತ್ತಾರದೊಂದಿಗೆ ನಾವು ಸಂಭ್ರಮಿಸಬಹುದು . !!

ಸುಮಾರು ಇಪ್ಪತ್ತು ದಿನದಿಂದ ಮುಫತ್ತಾಗಿ ಸಿಗುತ್ತಿದ್ದ ಮನರಂಜನೆ ಇಷ್ಟು ಬೇಗ ಮುಗಿದುಹೋಯಿತಲ್ಲ ಎಂದು ಒಮ್ಮೊಮ್ಮೆ ಬೇಸರವೆನಿಸುವುದೂ ಉಂಟು . ಆದರೇನಂತೆ ಉತ್ತರ ಕರ್ನಾಟಕದ ಚುನಾವಣಾ ನಾಟಕ ೨೩ ರಂದು ಮುಗಿದರೂ ,ಈ ಎಲ್ಲಾ ಪ್ರಕ್ರಿಯೆಗಳು ಮೇ ೨೩ ರಂದು ಕೊನೆಗೊಂಡು ಹೊಸ ಸರ್ಕಾರ ರಚನೆಯೊಂದಿಗೆ ಹೊಸತನ ಮೂಡುವ ಭರವಸೆ ಯೊಂದಿಗೆ ಸದಾಶಯಗಳೊಂದಿಗೆ ಅಲ್ಲಿಯವರೆಗೆ ಕಾಯುವ ಈ ಸಮಯ ಅಮೂಲ್ಯ .

2017 ಇಂಗ್ಲೆಂಡ್ ಭೇಟಿ ಅನಿಸಿಕೆಗಳು

ಕಳೆದ ಮೂರು ತಿಂಗಳಲ್ಲಿ ಮೂರು ಹೃದಯ ವಿದ್ರಾವಕ ಘಟನೆಗಳು. ಮಾರ್ಚ್ ೨೨ ರಂದು ಲಂಡನ್ನಿನ ವೆಸ್ಟ್ ಮಿನಿಸ್ಟರಿನ ಸೇತುವೆಯ ಮೇಲೆ ಕೊಲ್ಲುವ ಉದ್ದೇಶದಿಂದ ಪಾದಚಾರಿ ಮಾರ್ಗದಲ್ಲಿ ಚಲಿಸುತ್ತಿದ್ದ ಅಮಾಯಕ ಪ್ರವಾಸಿಗಳ ಮೇಲೆ ಕಾರು ಚಲಾಯಿಸಿ ನಾಲ್ಕು ಜನಗಳ ಹತ್ಯೆ, ಐವತ್ತಕ್ಕೂ ಹೆಚ್ಚು ಜನಗಳಿಗೆ ತೀವ್ರ ಗಾಯ. ಮೇ ೨೨ ರಂದು ಮ್ಯಾಂಚೆಸ್ಟರ್ ನಲ್ಲಿ ಸಂಗೀತ ಸಂಜೆಯೊಂದರಲ್ಲಿ ಭಾಗವಹಿಸಿದ್ದ ಅನೇಕ ಮಕ್ಕಳು ಸೇರಿದಂತೆ ೨೨ ಹತ್ಯೆ. ನೂರಾರು ಗಾಯಾಳುಗಳು. ಜೂನ್ ೩ ರ ರಾತ್ರಿ ಲಂಡನ್ ನಲ್ಲಿ ೮ ಹತ್ಯೆ, ನೂರಾರು ಗಾಯಾಳುಗಳು. ಜೂನ್ ೬ ರಂದು ಪ್ಯಾರಿಸ್ ನ ಮುಖ್ಯ ಸ್ಥಳದಲ್ಲಿ ಪೊಲೀಸ್ ಅಧಿಕಾರಿಯೊಬ್ಬರ ಮೇಲೆ ಧಾಳಿ ನಡೆಸುವ ಪ್ರಯತ್ನದಲ್ಲಿದ್ದ ಉಗ್ರ ನೊಬ್ಬನ ಹತ್ಯೆ. ಇದೆಲ್ಲಾ ನಮ್ಮನ್ನು ಬಹಳ ಕಾಡುವ, ಭವಿಷ್ಯ ಹೇಗೋ ಎಂದು ಯೋಚಿಸುವ ಹಾಗೆ ಮಾಡುತ್ತೆ. ಪ್ರಪಂಚ ಎತ್ತ ಸಾಗುತ್ತಿದೆ? ಭಯೋತ್ಪಾದನೆಯಿಂದ ಏನನ್ನು ಸಾಧಿಸಬಹುದು? ಅಮಾಯಕರ ಜೀವ ಇವರಿಗೆ ಏನೂ ಅಲ್ಲವೆ?

೨೦೦೫ರ ಉಗ್ರರ ಧಾಳಿಯ ನಂತರ ಸ್ಕಾಟ್ಲೆಂಡ್ ಯಾರ್ಡ್ ಪೊಲೀಸರು ಅನೇಕ ಮುಂಜಾಗ್ರತಾ ಕ್ರಮಗಳನ್ನು ಜಾರಿಗೊಳಿಸಿ, ಆ ರೀತಿಯ ಧಾಳಿ ಮರುಕಳಿಸದಂತೆ ಬಹಳ ಎಚ್ಚರಿಕೆಯಿಂದ ಇದುವರೆವಿಗೂ ಲಂಡನ್ ನಿವಾಸಿಗಳ ಪ್ರಾಣ, ಆಸ್ತಿ ಹಾನಿ ತಪ್ಪಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಹೊಸರೀತಿಯ ಧಾಳಿಗಳು ನಿಜಕ್ಕೂ ಆತಂಕಕಾರಿ.

ಬಡಪಾಯಿ ಸಾಮಾನ್ಯರು ಇಷ್ಟೆಲ್ಲಾ ಉಗ್ರರ ಅಟ್ಟಹಾಸದ ನಡುವೆಯೂ ಎದೆಗುಂದದೆ, ಅವರ ಅಬ್ಬರವನ್ನಡಗಿಸಲು ಧೈರ್ಯವಾಗಿ ಮುಂದೆಬಂದು ಪೊಲೀಸರಿಗೆ ಬೇಕಾದ ಸಹಾಯ ಒದಗಿಸುತ್ತಿದ್ದಾರೆ. ಪ್ರತ್ಯಕ್ಷ ಸಾಕ್ಷಿಗಳು ಪೂರ್ಣ ವಿವರ ಕೊಡುವುದರೊಂದಿಗೆ ನೆರವಾಗುತ್ತಿದ್ದಾರೆ. ಮಾನವೀಯ ಮುಖಗಳ ದೈವ ದರ್ಶನ ಕಾಣುತ್ತಿದ್ದೇವೆ. ಪರಸ್ಪರ ಸಹಕಾರದಿಂದ ನೊಂದ ಜೀವಿಗಳಿಗೆ ಬೇಕಾದ ನೆರವು ಒದಗಿಸುವಲ್ಲಿ ನಾಮುಂದು, ತಾಮುಂದೆಂದು ತಮ್ಮ ಎಲ್ಲ ಕೆಲಸ ಕಾರ್ಯಗಳನ್ನು ಬದಿಗೊತ್ತಿ ಧಾವಿಸುತ್ತಿದ್ದಾರೆ. ಸಂಕಟದಲ್ಲಿ ಸಿಲುಕಿರುವವರಿಗೆ, ಯಾವುದೇ ಪ್ರತಿಫಲಾಪೇಕ್ಷೆ ಇಲ್ಲದೆ ತಮ್ಮ ಮನೆಗಳಲ್ಲಿ ತಂಗುವುದಕ್ಕೆ, ಊಟ ತಿಂಡಿಗೆ, ಪ್ರಯಾಣಕ್ಕೆ, ವೈದ್ಯಕೀಯ ಸೇವೆಗೆ ಅವಕಾಶ ಮಾಡಿಕೊಡುತ್ತಿದ್ದಾರೆ. ಮಾರ್ಚ್ ೨೨ರ ಧಾಳಿಯಲ್ಲಿ, ಅಮೇರಿಕದ ಜೋಡಿಯೊಂದು ೫೦ನೇ  ವಿವಾಹ ವಾರ್ಷಿಕೋತ್ಸವದ ನೆನಪಿಗಾಗಿ ಲಂಡನ್ ಪ್ರವಾಸ ಕೈಗೊಂಡು ಧಾಳಿಗೆ ಸಿಲುಕಿ ನಲುಗಿದ ದೃಶ್ಯ ಹೃದಯ ವಿದ್ರಾವಕ. ಅದೇ ಧಾಳಿಯಲ್ಲಿ, ಬ್ರಿಟಿಷ್ ಪಾರ್ಲಿಮೆಂಟ್ ಗೆ ಮುನ್ನುಗ್ಗಲು ಪ್ರಯತ್ನ ಪಟ್ಟ ಉಗ್ರನನ್ನು ಹಿಮ್ಮೆಟ್ಟಿಸಲು ಪ್ರಯತ್ನ ಪಟ್ಟು ಯಶಸ್ವಿಯಾದ ಪೊಲೀಸ್ ಅಧಿಕಾರಿಯೊಬ್ಬರು ಧಾಳಿಯಿಂದ ಮೃತ ಪಟ್ಟದ್ದಂತೂ ಅತ್ಯಂತ ದಾರುಣ ಹಾಗೂ ವಿಷಾದನೀಯ. ಇಡೀ ದೇಶದ ಜನತೆ ಅವರಿಗೆ ಸಲ್ಲಿಸಿದ ಗೌರವ, ಪ್ರಕಟಿಸಿದ ದುಃಖ ಮನಕಲಕುವಂತದ್ದು. ಸಂಸತ್ತಿನಲ್ಲಿ ಈ ಘಟನೆಯ ಚರ್ಚೆ ಅತ್ಯುನ್ನತ ಮಟ್ಟದಲ್ಲಿದ್ದು, ಮಾರ್ಗದರ್ಶಕವಾಗಿತ್ತು. ಆ ಘನತೆ, ಗಂಭೀರತೆ, ವಿಷಯ ಮಂಡನೆ, ಅವರ ಸಹಜ ದುಃಖ ದುಮ್ಮಾನ ನೋವು ಅಸಹಾಯಕತೆಗಳ ಪ್ರದರ್ಶನ, ಯಾರಿಗೂ ಅನುಕರಣೀಯ. ಪಕ್ಷ ಭೇದವಿಲ್ಲದೆ ಸರಕಾರದ, ಪೊಲೀಸ್ ಅಧಿಕಾರಿಗಳ, ಆಂಬುಲೆನ್ಸ್ ಹಾಗೂ ಇತರ ವೈದ್ಯಕೀಯ ಸೇವೆಗಳ ಬೆಂಬಲಕ್ಕೆ, ಪ್ರಶಂಸೆಗೆ ಕೊರತೆ ಇಲ್ಲವೇ ಇಲ್ಲ. ಘಟನೆ ನಡೆದ ೩ ನಿಮಿಷದಲ್ಲಿ ಆ ಸ್ಥಳದಲ್ಲಿ ಆಂಬುಲೆನ್ಸ್ ಸಿದ್ದವಿತ್ತೆಂದರೆ ಇವರ ಕಾರ್ಯಕ್ಷಮತೆ ಎಷ್ಟರಮಟ್ಟಿಗೆ ಇದೆ ಎಂಬುವುದನ್ನು ಊಹಿಸಬಹುದು. ಪೊಲೀಸರಿಗೆ ಕರೆಹೋದ ೮ ನಿಮಿಷದಲ್ಲಿ ಜೂನ್ ೩ರ ಘಟನೆಯಲ್ಲಿ ಉಗ್ರರ ಹತ್ಯೆ ಮಾಡುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದರು. ಮೂರೂ ಧಾಳಿಕೋರರು ಪೊಲೀಸರಿಂದ ಕೊಲ್ಲಲ್ಪಟ್ಟರು.  ಮಾರ್ಚ್ ೨೨ರ ಘಟನೆ ನಡೆದ ೭-೮ ನಿಮಿಷದಲ್ಲಿ ಉಗ್ರ ಧಾಳಿಕೋರನ ಹತ್ಯೆ ಮಾಡುವಲ್ಲಿ ಪೋಲಿಸರು ಯಶಸ್ವಿಯಾಗಿದ್ದರು. ಈ ಬಗ್ಗೆ ಅನಗತ್ಯ ಚರ್ಚೆಗಳಾಗಲಿ, ಟಿವಿ ಸಂವಾದಗಳಾಗಲಿ ಏನೂ ನಡೆಯಲಿಲ್ಲ! ಸಾವಿರಾರು ಸಂಖ್ಯೆ ನಾಗರಿಕರು, ಅಧಿಕಾರಿಗಳು, ರಾಜಕಾರಣಿಗಳು ತುಂಬಾ ಘನತೆ, ಗೌರವ ಪೂರಕವಾಗಿ ಸಂತಾಪ ಸೂಚಿಸಿ ಪುಷ್ಪ ಗುಚ್ಛ ಅರ್ಪಿಸಿದರು. ಬೆಳಗಾಗುವುದರಲ್ಲಿ ತಮ್ಮ ದುಃಖ ಸಂಕಟಗಳನ್ನು ಬದಿಗೊತ್ತಿ ತಮ್ಮ-ತಮ್ಮ ಕೆಲಸ-ಕಾರ್ಯಗಳಿಗೆ ಹಾಜರಾದರು. ಯಾರ ಮೇಲೂ ದೋಷಾರೋಪಣೆ ಕಂಡುಬರಲಿಲ್ಲ . ಸಂಸದ್ಭವನದ ರಕ್ಷಣೆಯಲ್ಲಿ ಪ್ರಾಣ ನೀಗಿದ ಅಧಿಕಾರಿಯ ಬಗ್ಗೆ ಮಾತನಾಡುವಾಗ ಅನೇಕ ಸಂಸದರು ಅತ್ತೇಬಿಟ್ಟರು. ಎಲ್ಲೂ ಕೃತ್ರಿಮತೆ ಗೋಚರಿಸುವುದಿಲ್ಲ.

ಮ್ಯಾಂಚೆಸ್ಟರ್ ನಲ್ಲಿ ಉಗ್ರಗಾಮಿಯೊಬ್ಬ ತನ್ನ ಶರೀರಕ್ಕೆ ಕಟ್ಟಿಕೊಂಡ ಬಾಂಬ್ ಸ್ಪೋಟಗೊಳಿಸಿ ಸಂಗೀತಸಂಜೆಯಲ್ಲಿ ಪಾಲ್ಗೊಂಡಿದ್ದ ಹದಿಹರೆಯದ ಮಕ್ಕಳು ಹಾಗು ಅವರನ್ನು ಕರೆದೊಯ್ಯಲು ಬಂದಿದ್ದ ಪೋಷಕರ ಹತ್ಯೆ ನಡೆಸಿ ಮಾನವಕುಲಕ್ಕೇ ಅಪಚಾರವೆಸಗಿದ. ಅಂದಿನ ಅಲ್ಲಿನ ಗಾಯಕಿ 23 ವಯಸ್ಸಿನ  ಅರಿಯಾನಾ ಗ್ರಾಂಡೆ, ಅಮೇರಿಕಾದ ಪ್ರಸಿದ್ಧ ಗಾಯಕಿ ಹಾಗೂ ನಟಿ. ೨೨ ಹತ್ಯೆ ಹಾಗು ೧೨೦ ಗಾಯಾಳುಗಳನ್ನು ಕಂಡ ಗ್ರಾಂಡೆ, ಈ ಸಂಕಷ್ಟದಲ್ಲಿ ಸಿಲುಕಿದ ಎಲ್ಲರ ಸಹಾಯಾರ್ಥವಾಗಿ ಕಳೆದ ಜೂನ್ ೪ರಂದು ಅದೇ ಮ್ಯಾಂಚೆಸ್ಟರ್ ನಲ್ಲಿ ಸಹಾಯಾರ್ಥ ಕಾರ್ಯಕ್ರಮ ನೀಡಿ ಮಾನವತಾವಾದವನ್ನು ಮೆರೆದ ಘಟನೆಯನ್ನು ಯಾರು ತಾನೇ ಮರೆಯಲು ಸಾಧ್ಯ ಈ ಕಾರ್ಯಕ್ರಮಕ್ಕೆ ಮ್ಯಾಂಚೆಸ್ಟರ್ ಸ್ಟೇಡಿಯಂ ತುಂಬಿ ತುಳುಕಿತ್ತೆಂದರೆ ಅದರ ಯಶಸ್ಸು ಎಲ್ಲ ನಾಗರಿಕರಿಗೆ ಸಲ್ಲಬೇಕು. ಜನಸಾಗರವನ್ನು ತನ್ನ ಹಾಗೂ ತನ್ನ ಸಹಗಾಯಕರ ಗಾಯನದಿಂದ  ಬೇರೆಯದೇ ಲೋಕಕ್ಕೆ ಕೊಂಡೊಯ್ದ ಗ್ರಾಂಡೆ, ಅತ್ಯಂತ ಭಾವುಕಳಾಗಿ ಕೆಲವು ಗೀತೆಗಳನ್ನು ಹಾಡಿ, ಶ್ರೋತೃಗಳಲ್ಲಿ ಕಣ್ಣೇರು ಹರಿಸಿದ್ದನ್ನು ಮರೆಯಲಾಗುವುದಿಲ್ಲ. 

ಇಂದು ಜೂನ್ ೮, ಬ್ರಿಟಿಷ್ ಪಾರ್ಲಿಮೆಂಟ್ ಗೆ ಸಾರ್ವತ್ರಿಕ ಚುನಾವಣೆ ನಡೆಯುತ್ತಿದೆ. ಇಂತಹ ಘೋರ ಪರಿಸ್ಥಿತಿಯಲ್ಲೂ ಯಾರಿಂದಲೂ ಚುನಾವಣೆ ಮುಂದೂಡುವಂತೆ ಬೇಡಿಕೆಯಾಗಲಿ, ಒತ್ತಾಯವಾಗಲೀ ಬರಲಿಲ್ಲ. ಅತ್ಯಂತ ಶಾಂತ ರೀತಿಯಿಂದ ಚುನಾವಣೆ ನಡೆಯುತ್ತಿದೆ. ಇದಕ್ಕಾಗಿ ಯಾವುದೇ ರಜಾ ಘೋಷಿಸಿಲ್ಲ. ಬೆಳಗಿನ ೭ ರಿಂದ  ರಾತ್ರಿ ೧೦ರ ವರೆಗೆ ವೋಟಿಂಗ್. ಅವರವರಿಗೆ ಅನುಕೂಲವಾದಾಗ ವೋಟ್ ಹಾಕಬಹುದು. ಪೋಲಿಂಗ್ ಬೂತ್ ಗಳ ಮುಂದೆ ಯಾವುದೇ ಜನಜಂಗುಳಿಯಾಗಲೀ, ಗಲಾಟೆಗಳಾಗಲೀ, ಚುನಾವಣಾ ಪ್ರಚಾರವಾಗಲೀ ಇಲ್ಲವೇಇಲ್ಲ. ಪೊಲೀಸರನ್ನಂತೂ ಎಲ್ಲೂ ಕಂಡಿಲ್ಲ. ಬ್ರಿಟಿಷರ ಶಿಸ್ತು, ಸಂಯಮಕ್ಕೆ ಇದಕ್ಕಿಂತ ಬೇರೆ ಉದಾಹರಣೆ ಬೇಡ.

ಬಹುಷಃ ದುಷ್ಟಶಕ್ತಿಗಳು ಒಂದಾದಾಗ, ಅವರಿಂದ ಮಾನವಕುಲಕ್ಕೆ ಕೇಡು ಸಂಭವಿಸುವಾಗ, ದೈವ ಸಹಾಯ ದೊರಕಿ ಎಲ್ಲ ಶಕ್ತಿಗಳ ಒಗ್ಗೂಡುವಿಕೆಯಿಂದ ಕೇಡಿನ ನಿವಾರಣೆಯ ಪ್ರಯತ್ನ ನಡೆಯಬಹುದೇನೋ?

Wonders of Europe

In January 2017, I was planning to visit Shruthi and Shashank in UK for a short time. In turn, they wanted me and Mangala to be with them for a sufficiently longer duration.

They had the best plan to retain us with them for a longer period this time. They booked a European holiday for both of us and wanted us to visit 5-6 European countries. It was beginning of summer and thus was a wonderful time to visit Europe. On our previous several visits to the UK, we were not able to visit Europe and hence prevailed upon us to accept their offer. We reluctantly accepted their proposal.

Everything was arranged with Star tours. We commenced our journey on 12th May 2017. We left London at 6.00 am by coach. It took approximately two hours to reach Folkstone to cross over to Calais. We had to cross the English Channel here to get to France.

Eurotunnel manages and operates the Channel tunnel between Britain and France. Train operation consists of shuttle trains conveying cars, coaches and lorries including the passengers. The distance between two stations is 32 miles which is covered in 30 minutes. It was exciting to travel in the tunnel beneath the sea. The tunnel was built at a cost of £9.5bn and opened in 1994.

From Calais, we continued our journey to Brussels. The journey was a feast to our eyes as both sides of the road is greenery in abundance, roads are more than excellent, the coach and the comfort was superb. Every bit of the journey was enjoyable.

We passed through several beautifully located small cities and towns and reached Brussels, the capital city of Belgium. Rain greeted us at Brussels. After a shower of 30 minutes it was totally a pleasant weather. The first visit was to Grand Place. It is the central square of Brussels known for its decorative and aesthetic buildings. The city hall and museum are located there. This is the main market place. This is a World heritage centre. Innumerable chocolate shops are doing fantastic business here. Belgian chocolates are tasty and famous. We moved on to Manneken Pis statue. This is a landmark small bronze sculpture depicting a naked little boy urinating into fountain’s basin. Several incredible tales going round lacks explanation. Further, we moved on to touring Brussels city. A high domed church, many more attractive buildings, disciplined traffic, beautiful parks and green trees at the center of the city were main attractions. The Atomium is a building constructed for Expo 58, the 1958 Brussels World fair. It is 102m tall. Stainless steel spheres are connected to form the shape of a unit cell of an iron crystal magnified 165 billion times. One can view the Brussels city from the top sphere. Our night stay was planned at Strassburg, a six hours journey ahead and we rushed to reach it. On the way, we had a bird’s eye view of Luxembourg, a large city and a small European country. It is Europe’s most powerful investment management centre. We had good food and night sleep at Strassburg comfortable hotel.

Next morning, after breakfast, we started to the Black Forest region of South Germany. After crossing France border, a beautiful look of Rhine river welcomed us to Germany. A demonstration on how cuckoo clocks are made was enjoyable and informative. A family, which manufactures cuckoo clocks have established their business since some generations. Black forest is a live example for conservation of forests. Sun rays do not reach the land due to thick forest cover and hence the name black forest. Roads and other amenities are excellent even in such dense forest. This is a wonder for us Indians! A small hydro-electric cum solar power generating station was taking care of the needs of electric power at that thick jungle. After having lunch, we left for Rhine falls in Switzerland. Rhine falls is the largest plain waterfalls in Europe. Majesty and beauty of the falls is difficult to be explained. It is such a marvellous creation of the nature. Though it cannot be compared to Niagara falls in vastness and grandeur, it is a very beautiful place, Hydroelectric power is being generated from the river. A boat ride takes us closer to the falls. We can enjoy the beauty of the water falls from a cliff adjacent to the falls which is fully secured. Against our wishes to leave, we had to move on to Lucerne as we had spent nearly two hours in the falls. Lucerne is a picturesque, clean and marvellous city in Switzerland. Head quarter to many major banks. We witnessed hundreds of architectural marvels throughout the city and were awestruck walking through the city. I personally feel, Lucerne gets 8 of 10 in rating for its beauty. A 16th century wooden bridge, called chapel bridge, a vast lake, a mind blowing view of snow top mountains surrounding the city, the Lion monument, chocolate shops are the other main attractions. Our night stay was arranged at Engelberg. Engel means Angel. Berg is a piece of thing. A perfect name to a heavenly town in Switzerland. Our hotel was at the base of snowy mountains. We were at the foot of mount Titlis. It was a clean and tidy town. Full of numerous canals, lakes and parks. A heavenly abode. My lifetime wish was fulfilled. A pleasant, calm and peaceful night brought us a good night sleep. By morning all our exertion due to long travel and walks had vanished. We were as energetic as teenagers.

After breakfast the following day, we headed to Mount Titlis, a 10,000ft tall snow capped mountain. A secure, comfortable, ambient cable car takes us (Hike) to the top of the mountain. Previous night there was some showers and snow formation was substantial.  We were able to walk and play in snow. We had the experience of rotating cable car called Rotair. Breathtaking panoramic views of the surrounding landscapes were enjoyable. An artificial ice cave on the mountain gives a beautiful experience of life on ice. After lunch in the afternoon, we left for hotel near Venice.

Venice is the most romantic city in Italy. Architectural and scenic bonanza combined with historic monuments makes Venice visit a memorable one. Venice has only waterways. Wooden boat called Gondola, takes us around the city in the waterways. Experience is unforgettable and inexplicable. St.Mark’s square, one of the elegant squares in the world, Basilica di San Marco, Murano glass showroom are important places of interest. The ambience and beauty of Venice need not be explained in detail. Just as in any other tourist places, cheating and exploitation are rampant. There are no free public toilets. Lunch was sumptuous and we left for a hotel near Rome for our night stay.

A local professional guide took us around Vatican city and explained the historic importance of several things. Vatican city, home to pope and the Roman catholic church is given statehood. St.Peter’s Basilica, Trevi fountains are unforgettable experiences. The entire interiors of St.Peter’s is lavishly decorated with marbles, mosaic with painstaking detail. We visited the World famous sites such as Colosseum and Constantine arch. The Colosseum is an oval amphitheatre in the centre of Rome city built of concrete and sand. It is a World Heritage Site and one of the seven wonders of the world. Rome is a historic city with thousands of ancient architectural buildings and structures. The city tour was very exciting and a great treat to our mind and vision. Rome is the capital city of Italy. Ancient ruins evoke the power of Roman empire. Rich in art, architecture and cultural display. We were never tired after a full day’s tour of Rome indicates that it was so capturing and mind blowing. At the end of our Rome visit, we were taken to Time Elevator, a multisensorial and dynamic cinema experience stimulating a travel into time, taking viewers through the history of Rome, view of Roman forums where ancient civilisation developed. We departed to Florence for our night stay with a heavy heart as a day’s visit to Rome will not satisfy our hunger to explore. A week stay in Rome is necessary to undertake and understand a little bit of Rome.

Our next stop was Florence, the renaissance city. It has the most impressive architecture of the finest historic buildings of Italy. Duomo of Florence, the largest brick dome ever created, Basilica of Santa Croce, the final burial place of Michelangelo, Ponte Vecchio bridge are some of the places we were able to view. Florence was the capital of Italy for five years before Rome became its capital. This is again a tourist attraction place. Cheating and exploitation is rampant. There are no free toilets and other amenities. Later, we proceeded to Pisa, an ancient historic city in Italy. World famous leaning tower, cathedral square, is the main attraction. Vehicles are not allowed into some parts of the city. A toy train like vehicle operates to carry the tourists into the attractions. It was exciting to ride through. Travelled to Sanremo, another ancient beach city for night stay. It is a picturesque, clean and tidy small city with palatial buildings and hotels.

After our dinner in the hotel, an aged woman approached us and enquired whether we are from India, when we said yes, she was a bit excited and said her father is there. When I asked her to name the city, she could not do so. She said that her father was a defence officer and imprisoned in India in 1937 and she still believes that her father is there. It was a very emotional moment.

Driving along Italian and French Riviera, passing through spectacular mountain scenery along the Mediterranean sea, we reached Cannes, a resort town on the French Riviera is famous for international film festival. 2017 festival had started the previous day. A festival look was already there. We had a view of the venue, saw some artists, a brief city walk, a brief beach visit, we left for Nice, a retreat for European elite. A very large number of palatial buildings, hotels and other structures provide visitors, a visual delite. We had lunch here and proceeded to Monte Carlo, where Monte Carlo casino is located. This is a place of super rich and super cars. During our brief stay, we were able to see several high end cars such as Ferrari, Rolls Royce, Lamborghini etc. In front of Monte Carlo casino several such cars were parked. Formula one race track passes through the city. Preparations were being made for the next race.

From Sanremo, after six hour drive, we reached Geneva There we visited the United Nations building, the flower clock, a symbol of Geneva (broken), and a quick city tour. Geneva is a great city in Switzerland and hub of hectic international political activities. A broken chair is installed in front of UN building as a refusal of armed violence against civilians. Broken chair is a symbol of both fragility and strength, precariousness, brutality and also stability and dignity.

Finally, as a climax to the beautiful European trip, we entered Paris, the fashion city. The beauty and grandeur are beyond the words for explanation. Thousands of ancient palatial buildings and structures attract our attention. Eiffel tower, victory arch are the important landmarks. A boat ride in the river Seine is a wonderful experience and remains in memory for ever. We went on a night tour of Paris. All important buildings and structures were illuminated. Different bridges were illuminated decoratively. As the day was long, sunshine was up to 10-o-clock in night. We could not enjoy much of night tour.

Europe is a wonderful place. Most at the foot of Alps. Luckily, we had a great and wonderful weather during our visit to enjoy the beauty. How can one forget the hundreds of tunnel journey in Switzerland and Italy. Many tunnels are longer than 10 km. The longest one that we passed through was 17 km. Roads are excellent. People are friendly, except in some parts of Italy. Natural resources are well exploited in Switzerland. Hundreds of small Hydro power generation units are functional and power generation is surplus and profitable. Italy has several manufacturing hubs and a great tourist savvy place.

  

From French side, the English channel was crossed in a ferry from Calais to Dover and with a heavy heart, bid adieu to our other group members to reach Shashank’s home in Brentwood.

By forcefully sending us to the tour, our children made us a very big favour. We were able to enjoy the beauty of heaven on the earth. This will remain in our memory for ever.

ಬೆಳವಾಡಿಯ ವೈಭವ

ಚಿಕ್ಕಮಗಳೂರು ಜಿಲ್ಲೆಯ ಬೆಳವಾಡಿ ಗ್ರಾಮಕ್ಕೆ ಭೇಟಿ ಕೊಡುವ ಅವಕಾಶ ಇತ್ತೀಚಿಗೆ ನನಗೆ ಒದಗಿ ಬಂತು. ಹಾಸನದಿಂದ ಹಗರೆ ಮಾರ್ಗ ಹಳೇಬೀಡಿಗೆ ಸೊಗಸಾದ ರಸ್ತೆ. ಹಳೇಬೀಡಿನಿಂದ ಕೇವಲ ೧೨ ಕಿಲೋಮೀಟರು ದೂರದಲ್ಲಿ ಬೆಳವಾಡಿ ಗ್ರಾಮವಿದೆ. ಹಳೇಬೀಡಿನಿಂದ ಬೆಳವಾಡಿ ರಸ್ತೆ ಈಗ ರಿಪೇರಿ ಮಾಡುತ್ತಿರುವುದರಿಂದ ಸ್ವಲ್ಪ ತ್ರಾಸಿನ ಪ್ರಯಾಣ. ಬೆಳವಾಡಿ ಒಂದು ಪುಟ್ಟ ಸುಂದರ ಗ್ರಾಮ. ಗ್ರಾಮ ತಲುಪಿದಾಗಲೇ ನಮ್ಮ ಪ್ರಯಾಣದ ಆಯಾಸವೆಲ್ಲ ಮಂಗಮಾಯ. ಅಷ್ಟೊಂದು ಚೇತೋಹಾರಿ ಅಲ್ಲಿನ ಪರಿಸರ. ಪರ್ವತ ಶ್ರೇಣಿಯ ತಪ್ಪಲಲ್ಲಿ, ನಳನಳಿಸುತ್ತಿರುವ ಅಡಕೆ, ತೆಂಗು, ಬಾಳೆಗಳ ನಡುವೆ ಕಂಗೊಳಿಸುತ್ತಿದೆ. ೬೦ ರಿಂದ ೭೫ ಕುಟುಂಬಗಳು ಅಲ್ಲಿರಬಹುದೆಂದು ನನ್ನ ಅಂದಾಜು. ಅಲ್ಲಿಯ ಪ್ರಶಾಂತತೆ, ವಾತಾವರಣ ಮೊದಲು ನಮ್ಮ ಮನ ಸೂರೆಗೊಳ್ಳುತ್ತವೆ. ಕೆರೆಯ ಶುಭ್ರ ನೀರಿನ ಮೇಲಿನ ತಂಗಾಳಿ ತಂಪೆರೆಯುತ್ತೆ. ಈ ಗ್ರಾಮವನ್ನು ಏಕಚಕ್ರನಗರವೆಂದು ಕರೆಯುತ್ತಿದ್ದರೆಂದು ತಿಳಿದು ಮಹಾಭಾರತದ ಬಕಾಸುರನ ಏಕಚಕ್ರವೇ ಇದಿರಬಹುದೇ ಎಂಬ ಅನುಮಾನ ನಮ್ಮನ್ನು ಕಾಡದೆ ಬಿಡದು!

ಬೆಳವಾಡಿ ವೀರ ನಾರಾಯಣ ದೇವಸ್ಥಾನ 

ನಮ್ಮ ಮೊದಲ ಗುರಿ ಇಲ್ಲಿನ ಉಧ್ಭವ ಗಣಪತಿಯ ದರ್ಶನ. ಸುಮಾರು ಮುನ್ನೂರು ವರ್ಷಗಳ ಇತಿಹಾಸವಿರುವ, ಹುತ್ತದ ಗಣಪತಿ ಎಂದೂ ಪ್ರಸಿದ್ದವಾಗಿರುವ ಸ್ವಯಂಭು ಗಣಪ ಭಕ್ತ ಜನರ ಪೊರೆಯುತ್ತ ಇಲ್ಲಿ ನೆಲೆಸಿದ್ದಾನೆ. ಅಂದಿನ ಗ್ರಾಮವಾಸಿ ಸೂರಪ್ಪಭಟ್ಟರ ಮನೆಯ ಒಂದು ಹಸು ಪ್ರತಿನಿತ್ಯ ಹಾಲು ಕರೆಯಲು ಬಿಡದೆ ಕೊಸರಾಡುತ್ತಿತ್ತು. ಇದರ ಮರ್ಮವನ್ನು ತಿಳಿಯಲು ಮೇಯಲು ಹಸುವನ್ನು ಬಿಟ್ಟು ಅದನ್ನು ಹಿಂಬಾಲಿಸಿ ನೋಡಲಾಗಿ, ಆ ಹಸುವು ಮನೆಗೆ ಹಿಂತಿರುಗುವ ವೇಳೆ, ಒಂದು ಹುತ್ತದ ಬಳಿಗೆ ತೆರಳಿ, ಹುತ್ತದ ಮೇಲೆ ಹಾಲು ಸುರಿಸುತ್ತಿದ್ದುದನ್ನು ಕಂಡು ಆಶ್ಚರ್ಯ ಚಕಿತರಾಗಿ ಬಂದು ರಾತ್ರಿ ಮಲಗಿರಲು, ಸ್ವಪ್ನದಲ್ಲಿ ಸ್ವಯಂ ಗಣಪ ಕಾಣಿಸಿ, ತಾನು ಅಲ್ಲಿ ನೆಲೆಸುವ ಪರಿ ತಿಳಿಸಿದಾಗ ರೋಮಾಂಚಿತರಾದ ಭಟ್ಟರು, ಸ್ವಾಮಿಗೆ ಒಂದು ಗುಡಿಯನ್ನು ಕಟ್ಟಿಸಿ, ಸ್ವಾಮಿಯ ಸೇವೆಗೆ ಅಣಿಯಾದರೆಂದು ಪ್ರತೀತಿ. ವಿಗ್ರಹ ದಿನದಿಂದ ದಿನಕ್ಕೆ ಬೆಳೆದು ಇಂದು ಸ್ಪಷ್ಟ ಆಕಾರ ಮೂಡಿದೆ. ಇನ್ನೂ ಬೆಳೆಯುತ್ತಲಿದೆಯೆಂಬ ನಂಬಿಕೆ ಭಕ್ತರದು. ಬೆಳವಣಿಗೆ ನಿಂತಾಗ ಕಲಿಯುಗದ ಕೊನೆಯೆಂದು ನಂಬಿಕೆ. ಶ್ರೀ ಶೃಂಗೇರಿ ಮಠದ ಉಸ್ತುವಾರಿಯಲ್ಲಿ ಇಲ್ಲಿ ಪೂಜೆ ಪುನಸ್ಕಾರಗಳು ನಡೆಯುತ್ತವೆ. ದೇಶದ ಮೂಲೆ ಮೂಲೆಯಿಂದ ಭಕ್ತರು ಇಲ್ಲಿಗೆ ಆಗಮಿಸುತ್ತಾರೆ.

ಶ್ರೀ ಉದ್ಭವ ಗಣಪತಿ ದೇವಸ್ಥಾನ 

ಉಧ್ಭವ ಗಣಪತಿಯೇ ಇಲ್ಲಿನ ಮುಖ್ಯ ಆಕರ್ಷಣೆಯಲ್ಲ! ಹೊಯ್ಸಳ ದೊರೆ ವೀರಬಲ್ಲಾಳ ಹಾಗು ನರಸಿಂಹಬಲ್ಲಾಳರ ಕಾಲದಲ್ಲಿ (೧೨ನೇ ಶತಮಾನ) ಇಲ್ಲಿ ಅತ್ಯದ್ಭುತವಾಗಿ ದೇವಾಲಯ ಒಂದು ನಿರ್ಮಾಣಗೊಂಡಿದೆ. ಹೊಯ್ಸಳರ ಕಾಲದ ಶಿಲ್ಪ ಕಲಾ ವೈಭವದ ಎಲ್ಲ ಮಜಲೂ ಇಲ್ಲಿ ತೆರೆದುಕೊಂಡಿದೆ. ಬೇಲೂರು, ಹಳೇಬೀಡು ಅಪ್ರತಿಮ ಶಿಲ್ಪ ಕಲಾ ಸೌಂದರ್ಯಕ್ಕೆ ಹೆಸರಾಗಿದ್ದರೆ ಬೆಳವಾಡಿ ದೇವಾಲಯ ವಾಸ್ತು ಶಿಲ್ಪದಲ್ಲಿ ಅತ್ಯುಚ್ಚ ಸ್ಥಾನದಲ್ಲಿದೆ. ವೀರನಾರಾಯಣ(ವಿಷ್ಣು ) ಮೂರ್ತಿಯ ಕೆತ್ತನೆ ಅತ್ಯದ್ಭುತ. ಕಮಲದ ಮೇಲೆ ನಿಂತಿರುವ ೮ ಅಡಿ ಎತ್ತರದ ಭವ್ಯ ಮೂರ್ತಿ. ಮಾರ್ಚಿ ೧ರಂದು ಗರ್ಭ ಗುಡಿಯಿಂದ  ಸುಮಾರು ೧೦೦೦ ಅಡಿ ದೂರದ ಮುಖ್ಯ ದ್ವಾರದ ಮೂಲಕ ಸೂರ್ಯ ಕಿರಣ ದೇವಮೂರ್ತಿಯ ಮೇಲೆ ಬೀಳುವುದು ಅಂದಿನ ಸರಿ ಸಾಟಿಯಾಗದ ವಾಸ್ತು ಕೌಶಲ್ಯಕ್ಕೆ ಅತ್ಯದ್ಭುತ ಉದಾಹರಣೆ. ಭಿನ್ನ - ಭಿನ್ನವಾದ ಕೆತ್ತನೆಗಳ ೧೨೬ ಕಂಬಗಳು ದೇವಾಲಯದ ಸೌಂದರ್ಯವನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಿವೆ. ಯಾರಿಗಾದರೂ ದೇವ ದರ್ಶನದಿಂದ ಜೀವನ ಪಾವನವೆನಿಸುವ ದೇವ ಪುತ್ತಳಿ ನೋಡಿದಷ್ಟೂ ನೋಡ ಬೇಕೆನ್ನಿಸುತ್ತದೆ. ಈ ದೇವಾಲಯ ಮೂರು ದೇವರುಗಳನ್ನೊಳಗೊಂಡ ಒಂದು ಅದ್ಭುತ ಸಂಕೀರ್ಣ. ಮೂರು ಶಿಖರಗಳನ್ನು ಒಳಗೊಂಡಿರುವುದರಿಂದ ಇದನ್ನು ತ್ರಿಕೂಟಾಚಲವೆಂದು ಕರೆಯುತ್ತಾರೆ ಕರ್ನಾಟಕದ ತ್ರಿಕೂಟಾಚಲಗಳಲ್ಲಿ ಈ ದೇವಾಲಯವೇ ಅತ್ಯಂತ ವಿಶಾಲವಾದುದು. ವೇಣುಗೋಪಾಲ, ಈ ದೇವಾಲಯದ ಉತ್ತರ ಭಾಗದಲ್ಲಿರುವ ದೈವ. ೭ ಅಡಿ ಎತ್ತರದ ಭವ್ಯ ಸುಂದರ ಮೂರ್ತಿ. ಪ್ರಾಚ್ಯವಸ್ತು ಇಲಾಖೆಯ ಮಾಹಿತಿಯ ಪ್ರಕಾರ ಭಾರತದಲ್ಲೇ ಅತ್ಯಂತ ಸುಂದರವಾದ ದೇವಮೂರ್ತಿ ಇದು. ದೇವಾಲಯದ ದಕ್ಷಿಣ ಭಾಗದಲ್ಲಿ, ವೇಣುಗೋಪಾಲನ ಎದುರಿನಲ್ಲಿ ಯೋಗಾನರಸಿಂಹ ನೆಲಸಿದ್ದಾನೆ. ಈ ದೇವಮೂರ್ತಿಯೂ ೭ ಅಡಿ ಎತ್ತರದ ಭವ್ಯ ಸುಂದರ ವಿಗ್ರಹ. ಹಿರಣ್ಯ ಕಶಿಪುವಿನ ವಧೆಯ ನಂತರ ತನ್ನ ಕೋಪ ಶಮನಕ್ಕಾಗಿ ನರಸಿಂಹ ಇಲ್ಲಿ ಯೋಗ ಮುದ್ರೆಯಲ್ಲಿ ನೆಲಸಿ ಭಕ್ತರ ಮನೋಭೀಷ್ಟಗಳನ್ನು ನೆರವೇರಿಸುತ್ತಿರುವ ಕರುಣಾಮಯಿ. ಒಟ್ಟಿನಲ್ಲಿ, ಈ ದೇವಾಲಯಗಳ ದರ್ಶನ ನಮ್ಮ ಪೂರ್ವ ಜನ್ಮದ ಸುಕೃತವೆನ್ನಬಹುದು.

ವೀರನಾರಾಯಣ ದೇವಾಲಯ ಬೆಳವಾಡಿ

ದೇವಾಲಯಗಳಲ್ಲಿ ಪೂಜೆ ಪುನಸ್ಕಾರಗಳ ಮೇಲುಸ್ತುವಾರಿ ಶ್ರೀ ಶೃಂಗೇರಿ ಮಠದಿಂದ ನಡೆಯುತ್ತಿದ್ದು, ಕೈಂಕರ್ಯಗಳನ್ನು ಸಮರ್ಪಕವಾಗಿ ನೆರವೇರಿಸಲಾಗುತ್ತಿದೆ. ಇಷ್ಟೆಲ್ಲಾ ವೈಭವ ಈ ಗ್ರಾಮದಲ್ಲಿದ್ದರೂ, ಈ ಗ್ರಾಮ ಅನೇಕ ಮೂಲ ಸೌಲಭ್ಯಗಳಿಂದ ವಂಚಿತವಾಗಿದೆ. ಕುಡಿಯುವ ನೀರಿನ ಕೊರತೆ, ವಿದ್ಯುತ್ ಸರಬರಾಜಿನ ಕೊರತೆ (ದಿನಕ್ಕೆ ೪ ಘಂಟೆ ಮಾತ್ರ ವಿದ್ಯುತ್ ಸರಬರಾಜಿರುವ ವಿಷಯ ತಿಳಿದು ಬಂತು), ವೈದ್ಯಕೀಯ ಸೌಲಭ್ಯಗಳ ಕೊರತೆ, ಸಾರಿಗೆ ವ್ಯವಸ್ಥೆಯ ಕೊರತೆ, ಮುಂತಾದ ಎದ್ದು ಕಾಣುವ ನ್ಯೂನತೆಗಳ ನಡುವೆ, ದೇವಾಲಯದ ಅಂಗಳವನ್ನು ಅತ್ಯಂತ ಶುಚಿ ಹಾಗೂ ಸುಂದರವಾಗಿ ಇಟ್ಟಿರುವುದು ಸಮಾಧಾನಕರ ಅಂಶ.

ಬೆಳವಾಡಿಯ ಶ್ರೀ ನಾಗರಾಜರಿಗೆ ನಮ್ಮ ಭೇಟಿಯನ್ನು ಮೊದಲೇ ತಿಳಿಸಿದ್ದರಿಂದ ಅವರ ಮನೆಯಲ್ಲಿ ನಮಗೆ ರುಚಿಕಟ್ಟಾದ ಊಟದ ವ್ಯವಸ್ಥೆ ಬಹಳ ಅಚ್ಚುಕಟ್ಟಾಗಿ ಮಾಡಿದ್ದರು. ಶ್ರೀ ರಾಮಣ್ಣನವರು ಸ್ಥಳ ಮಹಿಮೆ ಮತ್ತು ಗ್ರಾಮದ ವಿವಿಧ ಮಾಹಿತಿ ನೀಡಿದರು. ಬೆಳವಾಡಿಯ ಅವಿಸ್ಮರಣೀಯ ಭೇಟಿ ಮುಗಿಸಿ ಹಿಂತಿರುಗುವಾಗ ನಮ್ಮ ಜೀವನದ ಅತ್ಯಂತ ಸಾರ್ಥಕ ದಿನ ಇದೆಂದು ನಮಗೆಲ್ಲರಿಗೂ ಅನಿಸಿದ್ದು ಅತಿಶಯೋಕ್ತಿಯಲ್ಲ.

--
ನಂಜುಂಡಸ್ವಾಮಿ

ಮದುವೆ ಎಂಬ ಮಾತೇ ಚೆಂದ...

ಮನಸ್ಸಿಗೆ ಬಹಳ ಬೇಸರವಾದಾಗ ಯು-ಟ್ಯುಬಿನಲ್ಲಿ ಕರ್ನಾಟಕ ಶಾಸ್ತ್ರೀಯ ಸಂಗೀತ ಕೇಳುವುದು ನನ್ನ ಅಭ್ಯಾಸ. ಹೀಗೆ ಮೊನ್ನೆ ಶ್ರೀ ತ್ಯಾಗರಾಜರ ಕೃತಿ 'ಸೀತಾ ಕಲ್ಯಾಣ ವೈಭೋಗಮೆ' ಆಲಿಸುತ್ತಿದ್ದೆ. ಶಂಕರಾಭರಣ ರಾಗದ ಈ ಕೃತಿಯನ್ನು ಮಂಗಳಂಪಲ್ಲಿ ಬಾಲಮುರುಳಿ ಕೃಷ್ಣ, ಜೇಸುದಾಸ್, ಮಹಾರಾಜಪುರಂ ಸಂತಾನಂರವರ ಧ್ವನಿಯಲ್ಲಿ ಕೇಳುವಾಗ ಆಗುವ ಅನುಭವ ವರ್ಣನಾತೀತ. ದೈವೀಕವಾದ ಈ ಕೃತಿಯನ್ನು ಎಷ್ಟು ಬಾರಿ ಕೇಳಿದರೂ ಮತ್ತೊಮ್ಮೆ ಮಗದೊಮ್ಮೆ ಕೇಳೋಣವೆನಿಸುತ್ತೆ. ಈ ಅನುಭವಕ್ಕೆ ಕೃತಿಗಾರರು ಹಾಗು ಹಾಡುಗಾರರು ಸಮಭಾಜನರು. ಪ್ರತಿ ಗಾಯಕರೂ ಕೇಳುಗರಿಗೆ ವಿಭಿನ್ನ ಅನುಭವ ನೀಡುತ್ತಾರೆ.

ಶ್ರೀ ತ್ಯಾಗರಾಜರು ಶ್ರೀ ರಾಮನ ಪರಮ ಭಕ್ತರು. ಈ ಕೃತಿಯಲ್ಲಿ ಶ್ರೀ ರಾಮರ ಮತ್ತು ಸೀತಾ ದೇವಿಯವರ ಕಲ್ಯಾಣವನ್ನು ಮನದುಂಬಿಕೊಳ್ಳುವುದರ ಜೊತೆಗೆ ಶ್ರೀ ರಾಮರ ಮೇಲಿನ ಪರಮ ಭಕ್ತಿಯ ಅನುಭವವಾಗುತ್ತೆ.

ನನಗೆ ಈ ಕೃತಿಯನ್ನು ಕೇಳಿದಾಗಲೆಲ್ಲ, ನಮ್ಮ ಮನೆಯ, ನೆಂಟರಿಷ್ಟರ ಮನೆಯಲ್ಲಿ ನಡೆದ ಮದುವೆಯ ನೆನಪಾಗುತ್ತೆ. ವಧು ವರರು ಸೀತಾ ರಾಮರ ಹಾಗೆ ಗೋಚರಿಸುತ್ತಾರೆ. ಒಂದು ರೀತಿಯ ಮೃದು ಮಧುರಾನುಭವಾಗುತ್ತೆ. ವಿವಾಹದ ವೈಭವ, ಆದರ ಉಪಚಾರ, ಆಚಾರ, ಮಂತ್ರಘೋಶ, ಸಂತೋಷ, ಕಣ್ಣಮುಂದೆ ಸರಿದು ಹೊಗುತ್ತೆ.

ನಮ್ಮ ಸಾಮಾಜಿಕ ವ್ಯವಸ್ಥೆಯಲ್ಲಿ ವಿವಾಹಕ್ಕೆ ಹೆಚ್ಚಿನ ಮಹತ್ವ ಕೊಡಲಾಗಿದೆ. ಈ ಸಮಾರಂಭ ಪತಿ - ಪತ್ನಿಯರ ಬಾಳ ಪಯಣದ ಪ್ರಥಮ ಹಾಗು ಅತಿ ಮುಖ್ಯ ಘಟ್ಟ. ಸಮಾರಂಭಕ್ಕೆ ಆಗಮಿಸಿದ ಸಂಬಂಧಿಗಳಿಗೆ ಅವರವರದೇ ವಿಚಾರ ವಿಮರ್ಶೆಗಳಿದ್ದರೆ, ನವ ವಧು - ವರರಿಗೆ ತಮ್ಮದೇ ನಿರೀಕ್ಷೆ, ಆತಂಕ, ಗೊಂದಲ, ಸಂಭ್ರಮ, ಕನಸುಗಳಿರುತ್ತವೆ. ವಧು - ವರರ ತಂದೆ ತಾಯಿಗಳಿಗೆ ಸಮಾರಂಭದ ಯಶಸ್ಸಿನ, ಮಕ್ಕಳ ಮುಂದಿನ ಜೀವನದ ಬಗ್ಗೆ, ಪರಸ್ಪರ ಹೊಂದಾಣಿಕೆಯ ಬಗ್ಗೆ ಆತಂಕ, ಕುತೂಹಲ ಜೊತೆಗೆ ಖರ್ಚು ವೆಚ್ಚಗಳ ಹೊಂದಾಣಿಕೆಯ ಚಿಂತೆ, ಜವಾಬ್ದಾರಿ ನಿಭಾಯಿಸಿದ ಸಾರ್ಥಕತೆ, ಹೊಸ ಸಂಬಂಧದ ಹರ್ಷ, ಮುಂತಾದ ಭಾವನೆಗಳು ಇರುತ್ತವೆ. ಪರಸ್ಪರ ಹಮ್ಮು - ಬಿಮ್ಮುಗಳ ತೋರ್ಪಡಿಕೆಗೆ ಈ ಸಮಾರಂಭ ಒಂದು ವೇದಿಕೆ. ಹಿಂದೆಲ್ಲಾ ಪರಸ್ಪರ ಪ್ರೀತಿ - ವಿಶ್ವಾಸ, ಊಟ - ಉಪಚಾರಗಳಿಗೆ, ಬಂಧು - ಬಾಂಧವರ ಸಮಾಗಮಕ್ಕೆ ಕಾರಣವಾಗುತ್ತಿದ್ದ ಮದುವೆಗಳು ಇಂದು ನಮ್ಮ ಹೆಚ್ಚುಗಾರಿಕೆಯ ಪ್ರದರ್ಶನದ ತಾಣಗಳಾಗುತ್ತಿರುವುದು ವಿಪರ್ಯಾಸ. ಹಿಂದಿನ ಪವಿತ್ರತೆಯು ಮರೆಯಾಗಿ ಕಾಟಾಚಾರದ ಡೋಂಗಿತನ ಎದ್ದು ಕಾಣುತ್ತೆ.

ಒಂದೊಮ್ಮೆ ಬಾಲ್ಯ ವಿವಾಹ ನಡೆಯುತ್ತಿದ್ದ ಕಾಲದಲ್ಲಿ, ಮಾತಾ - ಪಿತೃಗಳ ಆಶೋತ್ತರಗಳಂತೆ ವಿವಾಹಗಳು ಒಪ್ಪಿಗೆಯಾಗುತ್ತಿದ್ದವು. ಸಾಮಾಜಿಕ ಬದಲಾವಣೆಯಾದಂತೆ ತಮ್ಮತಮ್ಮ ಅನುಕೂಲಕ್ಕೆ ತಕ್ಕಂತೆ ವಧು - ವರರ ಹೊಂದಾಣಿಕೆ ಪ್ರಾರಂಭವಾಯಿತು. ತಮ್ಮ ತಮ್ಮ ಜಾತಿ ಕುಲದಲ್ಲೇ ನಡೆಯುತ್ತಿದ್ದ ಮದುವೆ, ಇಂದು ಅಂತರ ರಾಷ್ಟ್ರೀಯ ಮದುವೆಗಳವರೆಗೂ ಬಂದಿದೆ. ಒಂದು ತಿಂಗಳವರೆಗೆ ನಡೆಯುತ್ತಿದ್ದ ಮದುವೆ ಸಮಾರಂಭ, ಕೆಲವೇ ಘಂಟೆಗಳಿಗೆ ಕುಗ್ಗಿದೆ.

ಗಂಡು ಹೆಣ್ಣಿನ ಸಂಬಂಧಕ್ಕೆ ಸಾಮಾಜಿಕ ಒಪ್ಪಿಗೆಯನ್ನು ದೊರಕಿಸಿ ಕೊಡುವ ಸಲುವಾಗಿ ವಿವಾಹ ಕಾರ್ಯಕ್ರಮ ಜಾರಿಗೆ ಬಂದಿರಬಹುದು. ಇದು ಕಾಲಾನುಕ್ರಮದಲ್ಲಿ ಸಮಾಜದ ಆಶೋತ್ತರಗಳಿಗೆ ತಕ್ಕಂತೆ ಮಾರ್ಪಾಡು ಹೊಂದಿ ಇಂದಿನ ಘಟ್ಟ ತಲುಪಿದೆ. ಮುಂದೆಯೂ ಬಹಳಷ್ಟು ಬದಲಾವಣೆಗಳಾಗಬಹುದು. ಬದಲಾವಣೆಗಳು ಜೀವನ ಮುಖಿ, ಜೀವಂತ ಸಮಾಜದ ಹೆಗ್ಗುರುತು.

ಮದುವೆಯ ಉದ್ದಿಶ್ಯ ಅಶೋತ್ತರಗಳೇನಿರಬಹುದು? ಬಹುಷಃ, ತಮ್ಮ ವೈವಾಹಿಕ ಜೀವನವನ್ನು ಹುಡುಗ ಹುಡುಗಿ ಸುಖ ಸಂತೋಷಗಳಿಂದ ಕಳೆದು, ಜವಾಬ್ದಾರಿಯುತ ಸತ್ಪೀಳಿಗೆಯನ್ನು ಕೊಡುಗೆಯಾಗಿ ಸಮಾಜಕ್ಕೆ ಕೊಡಲಿ ಎಂಬುದಿರಬಹುದು. ಆದರೆ ಇಂದಿನ ಬದುಕಿನ ಜಂಜಾಟಗಳಲ್ಲಿ ನಾವೆಲ್ಲ ನಮ್ಮ ಕರ್ತವ್ಯ ಮರೆತು ಕಳೆದುಹೊಗಿದ್ದೇವೆ. ಸಮಾಜ ಎತ್ತ ನಡೆಯುತ್ತಿದೆ ಎನ್ನುವುದರ ಬಗ್ಗೆ ಒಮ್ಮೆ ಗಮನ ಹರಿಸುವುದು ಒಳಿತು. ತಂದೆ ತಾಯಿಗಳೂ ತಮ್ಮ ಮಕ್ಕಳ ಸಂಸಾರದಲ್ಲಿ ಕೈ ಆಡಿಸದೆ ಅವರ ಜೀವನ ರೂಪಿಸಿಕೊಳ್ಳುವಲ್ಲಿ ಸಕಾರಾತ್ಮಕ ಬೆಂಬಲ ಕೊಡುವುದು ಒಳಿತು. ಅವಶ್ಯಕತೆ ಇರುವಲ್ಲಿ ಸೂಕ್ತ ಸಲಹೆ, ಸೂಚನೆ ಕೊಡುವುದರಲ್ಲಿ ತಪ್ಪಿಲ್ಲ. ಅನಗತ್ಯವಾಗಿ ಮಧ್ಯ ಪ್ರವೇಶಿಸಿ ಅವರಿಗೆ ಗೊಂದಲ ಉಂಟುಮಾಡುವುದು ಅನಪೇಕ್ಷಣೀಯ. ಅವರ ಗುರಿ ಮಕ್ಕಳ ಹಿತವಾಗಿರಬೇಕೇ ವಿನಹ ಸ್ವಪ್ರತಿಷ್ಠೆ ಆಗಬಾರದು. ಹಿರಿಯರು ಮೌಲ್ಯಯುತವಾಗಿದ್ದರೆ ಮುಂದಿನ ಜನಾಂಗ ಸತ್ವಯುತ, ಮೌಲ್ಯಯುತವಾಗಿರುತ್ತವೆ ಎನ್ನುವ ವಿಚಾರ ಮರೆಯುವಂತಿಲ್ಲ.

ಸಂತ ತ್ಯಾಗರಾಜರಿಂದ ಪ್ರಾರಂಭಿಸಿ ನನ್ನ ಮನಸು ಎಲ್ಲೆಲ್ಲಿಗೋ ಎಳೆದೊಯ್ಯುತ್ತಿದೆ. ಮದುವೆಯ ವಿಚಾರವೇ ಹಾಗೆ. ಎಲ್ಲಿಂದ ಎಲ್ಲಿಗೋ ಓಡಾಡಿಸುತ್ತೆ. ಜೀವನದಲ್ಲಿ ಏನೇನೋ ಕಲಿಸುತ್ತೆ. ಜೀವನವನ್ನು ಸ್ವರ್ಗ ಅಥವಾ ನರಕವಾಗಿಸುತ್ತೆ. ಉತ್ಸಾಹ ತುಂಬುತ್ತೆ. ನಿರುತ್ಸಾಹದಲ್ಲಿ ಮುಳುಗಿಸುತ್ತೆ. ಬಡವನನ್ನು ಬಲ್ಲಿದನಾಗಿಸುತ್ತೆ, ಶ್ರೀಮಂತನನ್ನು ದರಿದ್ರನನ್ನಾಗಿಸಿ ತಮಾಶೆ ಮಾಡುತ್ತೆ. ಸಂಬಂಧಗಳನ್ನು ಬೆಸೆಯುತ್ತೆ. ನೆಂಟಸ್ತಿಕೆಯನ್ನು ಮುರಿಯುತ್ತೆ. ಇಂಗ್ಲೀಷಿನಲ್ಲಿ ಮಾತೊಂದಿದೆ 'marriages are made in heaven' ಅಂತ. ಹೆವೆನ್ನೋ ಹೆಲ್ಲೊ ಎರಡನ್ನೂ ಇಲ್ಲೇ ತೋರಿಸುತ್ತೆಂಬ ಮಾತನ್ನಂತೂ ನಾನು ನಂಬುತ್ತೇನೆ.

ಏನೇ ಹೇಳಿದರೂ ಮದುವೆ ಎಂಬ ಮಾತೇ ಚೆಂದ. ಮದುವೆಯ ಸಮಯದ ಸಡಗರ, ಸಂಭ್ರಮ, ಯೋಜನೆಗಳು, ಆತಂಕ, ಆಲೋಚನೆಗಳು, ದುಃಖ, ದುಗುಡ, ದುಮ್ಮಾನಗಳು ಎಲ್ಲರ ಅನುಭವದಲ್ಲೂ ಇರುತ್ತವೆ. ನಂತರ ಬಹಳಷ್ಟು ಸಮಯದವರೆಗೆ ಇವುಗಳ ಮೆಲಕು ಹಾಕುತ್ತಲೇ ಸಮಯ ದೂಡುತ್ತೇವೆ. ಶ್ರೀ ಎಸ್.ಪೀ. ಬಾಲಸುಬ್ರಹ್ಮಣ್ಯರವರು ಹಾಡಿರುವಂತೆ 'ಮದುವೆಯ ಈ ಬಂಧ ಅನುರಾಗದ ಅನುಬಂಧ!' ಅವರಂತೇ ಶುಭಾಶಯ... ಶುಭಾಶಯ, ಮದು ಮಗಳಿಗೂ, ಮದು ಮಗನಿಗೂ ಶುಭಾಶಯ.

 --
ನಂಜುಂಡಸ್ವಾಮಿ

ವೀಡಿಯೊಗಳು: YouTube

Marsayana

ISRO PSLV carrying the Mars orbiter
Photo Coutesy: http://spectrum.ieee.org

It is a moment of pride for every citizen of our country as ISRO launched the satellite for the Mangalayaan mission. Though the satellite may take nine and half months to travel to Mars orbit and only then this mission can be termed success, the launching itself can be very well considered as a success and milestone in the history of ISRO. I heartily congratulate the ISRO chairman and his team for this commendable work.

It is heartening to note that the launching took place in just fifteen months of sanction of the project. The team has taken immense pains to complete all necessary ground work for launching. It is understood that the satellite has carried several sensitive instruments for the study of Mars and its atmosphere.Several sensitive cameras have been sent to obtain the photographs and its studies. This launch will benefit all mankind if it succeeds in its mission.This was the first giant step in its big journey. The cost of the mission is said to be 450 crores. Considering the contribution of the mission to the scientific advancement and the inputs involved, the cost seems reasonable.

It was exciting to view the launching through television. We experienced the same level of anxiousness as the ISRO team would have experienced during launching. A sigh of relief came out after we learnt that the satellite was placed in earth's orbit. Each stage of manoeuvrability is as important and anxious as that of launching.

It was disgusting that in some TV channels, the discussions were very childish. They talked about the cost of 450 crores which they thought was a burden on our exchequer! They also thought that this mission was not necessary in view of the poverty, sanitary, food situation of the country. If this is wasteful what else could be useful? I don't consider this as a wasteful expenditure. It is indeed a useful investment. It is an investment in advancement of science and technology, an investment for the future generations, an investment to boost our image internationally and an investment in inter-planet journey. We do not open our mouth when parliamentary/assembly sessions are disrupted for weeks/months and enormous money loss is noticed. We keep quiet when large scale misappropriation of tax-payers money takes place. We shut our mouth when huge corruption comes to light. We also turn a blind-eye when series of scams looting billions of rupees comes to fore. Is it not astonishing to note that all mouths open to criticise when a noble cause is undertaken.

The visit of the ISRO chairman to the Tirumala temple was ridiculed. I doubt, whether he has lost his right to religious freedom by being the chairman of such a prestigious institution! The visit was based on his personal religious belief and he has every right to believe whatever he deems fit. I don't think he has made any blunder by visiting the temple. He also would not have used his official position/machinery for the visit. This type of reporting is an infringement on the freedom of an individual. When will our journalists learn to be sensible? 

The TV discussion also covered the timing of the launching. The day being Tuesday, it was said was auspicious for mars related experiments. The time of launch 2.38 p.m. was auspicious for some and inauspicious for others. I think this was the height of stupidity in the discussion.

There was a very good opportunity to telecast the achievements and success stories of ISRO. Their struggles, hardships and personal sacrifices in the execution of the project, infrastructural adequacies /inadequacies etc. could have been telecast which could have boosted their morale & inspired a whole new young generation in the pursuit of science. A moment of pride for all of us was lost in useless discussions. I fail to understand what sort of journalism this is.

Now a days, sensationalisation of any news item is being contemplated to increase their TRP ratings. No body is bothered about any other sensitivities. I feel, we can be a little more modest in our approach to reporting, which enhances credibility and can save many individuals from attracting unnecessary attention. 

ಬೆಕ್ಕಿಗೆ ಘಂಟೆ ಕಟ್ಟುವವರಾರು?

ನನಗೆ ಸರಕಾರೀ ಕಛೇರಿಗಳಿಗೆ ಯಾವುದೇ ಕೆಲಸಗಳಿಗೆ ಹೋಗುವುದೆಂದರೆ ಬಹಳ ಮುಜುಗರ. ಅಲ್ಲಿನ ವಾತಾವರಣ, ಸಿಬ್ಬಂದಿಗಳ ಅಪೇಕ್ಷೆ, ನಿರೀಕ್ಷೆ, ಉಪೇಕ್ಷೆ, ಅನಾದರ ಅವರು ಕೆಲಸ ಮಾಡುವ ಪರಿ ಕಂಡು ಜಿಗುಪ್ಸೆ. ಆದರೂ ನಮ್ಮ ವ್ಯವಸ್ಥೆಯಲ್ಲಿ ನಾವು ಅಲ್ಲಿಗೆ ಭೇಟಿಕೊಟ್ಟು ಕೆಲಸ ಸಾಧಿಸಿಕೊಳ್ಳದೇ ವಿಧಿಯಿಲ್ಲ.

ಯಾವುದೇ ಕಛೇರಿಗೆ ಭೇಟಿ ಕೊಟ್ಟರೂ ಸಂಬಂದ ಪಟ್ಟ ಮೇಲಧಿಕಾರಿ ಕಛೇರಿಯಲ್ಲಿರುವುದು ಬಹಳ ಅಪರೂಪ. ಮೀಟಿಂಗಿಗೆ ಹೋಗಿದ್ದಾರೆನ್ನುವ ಉತ್ತರ ಸಾಮಾನ್ಯ. ಹಾಗಾಗಿ ನಮ್ಮ ಕಛೇರಿಗಳು ಕಾರಕೂನರಿಂದಲೇ ನಿರ್ವಹಿಸಲ್ಪಡುತ್ತಿವೆಯೆಂಬ ಗುಮಾನಿ ನನಗೆ! ನಮ್ಮ ಯಾವುದೇ ದೂರು, ಅಹವಾಲು, ಆಲಿಸುವ ಯಾವುದೇ ಕಿವಿಗಳು ಅಲ್ಲಿರುವುದಿಲ್ಲ. ಕಾರಕೂನರು ಅವರ ಕೆಲಸ ಸರಿಯಾಗಿ ಮಾಡುತ್ತಿಲ್ಲವೆಂದು ಯಾರಿಗೂ ತಿಳಿಸುವಂತಿಲ್ಲ. ಒಂದು ವೇಳೆ ಹಾಗೆ ದೂರು ಕೊಟ್ಟರೆ ಅಧಿಕಾರಿ ನಮ್ಮನ್ನು ಆ ಕಾರಕೂನರ ಹತ್ತಿರವೇ ಹೇಗಾದರೂ ನಮ್ಮ ಕೆಲಸ ಸಾಧಿಸಿಕೊಳ್ಳುವಂತೆ ಸಲಹೆ ನೀಡುತ್ತಾರೆ. ಅಧಿಕಾರಿಗಳು ನಮ್ಮ ದೂರನ್ನು ಕೇಳುತ್ತ ಕುಳಿತುಕೊಳ್ಳಲು ಸಮಯವೆಲ್ಲಿದೆ! ಅವರಿಗೆ ಗೊತ್ತಿಲ್ಲವೇ ಅವರ ಕಛೇರಿಯಲ್ಲಿ ಹೇಗೆ ಕೆಲಸ ಸಾಗುತ್ತದೆಯೆಂದು?!?

ಬಹುತೇಕ ಟಿಪ್ಪಣಿಗಳೆಲ್ಲ ಕಾರಕೂನರಿಂದಲೇ ಜನಿಸುತ್ತವೆ. ಅಧಿಕಾರಿಗಳ ಅಸಡ್ಡೆಯೋ, ಉಡಾಳತನವೋ, ಸೋಮಾರಿತನವೋ ಅಥವಾ ವಿವೇಚನೆ/ವಿಚಕ್ಷಣೆಯ ಕೊರತೆಯೋ ಇತ್ಯಾದಿ ಕಾರಣಗಳಿಂದ ಈ ಟಿಪ್ಪಣಿಗಳು ಹಾಗೆಯೇ ಉನ್ನತ ಅಧಿಕಾರಿಗಳಿಗೆ ರವಾನೆಯಾಗುತ್ತವೆ. ಕೆಳ ಸ್ತರದ ಅಧಿಕಾರಿಗಳ ಮೇಲಿನ ನಂಬಿಕೆಯಿಂದ ಹಾಗೆಯೇ ಅನುಮೋದನೆಯೂ ಆಗಿಹೊಗುತ್ತೆ! ಕೆಳಸ್ತರ/ಮಧ್ಯಮ ಸ್ತರದ ಅಧಿಕಾರಿಗಳಿಗೆ ಯಾವುದೇ ಜವಾಬ್ದಾರಿ ಇದೆಯೆಂದು ಅನಿಸುವುದಿಲ್ಲ. 'ಎತ್ತು ಈಯಿತು ಎಂದರೆ ಕೊಟ್ಟಿಗೆಗೆ ಕಟ್ಟು' ಎನ್ನುವ ಬುದ್ದಿವಂತರೇ ಬಹಳಷ್ಟು ಅಧಿಕಾರಿಗಳು! ಹೆಚ್ಚಿನಂಶ ನೌಕರರಿಗೆ ತಮ್ಮ ಕೆಲಸದ ಬಗ್ಗೆ ತಿಳುವಳಿಕೆಯೇ ಇರುವುದಿಲ್ಲ. ತಮ್ಮ ತೀರ್ಮಾನದ ಸಾಧಕ/ಬಾಧಕಗಳ ಪರಿಣಾಮ ಏನಾಗಬಹುದೆಂಬ ಪ್ರಜ್ಞೆ ಲವಲೇಶವೂ ಇರುವುದಿಲ್ಲ. ಕಛೇರಿಗೆ ಭೇಟಿಕೊಡುವ ನಮ್ಮಂಥವರನ್ನು ಒಂದು ರೀತಿಯ ತಿರಸ್ಕಾರ ದೃಷ್ಟಿಯಿಂದಲೇ ಸ್ವಾಗತಿಸುತ್ತಾರೆ. ಸಾರ್ವಜನಿಕರ ಸೌಕರ್ಯಕ್ಕಾಗಿ ತಮಗೆ ಅಲ್ಲಿ ಉದ್ಯೋಗ ದೊರಕಿದೆ ಎಂಬ ಸಾಮಾನ್ಯ ಜ್ಞಾನ ಅವರಿಗೆ ಖಂಡಿತವಾಗಿ ಇರುವುದಿಲ್ಲ. ಅವರು ಆ ಜಾಗದಲ್ಲಿ ಕುಳಿತಿರುವುದೇ ನಮ್ಮ ಓಲೈಕೆಗಾಗಿ ಎಂಬಂತೆ ತೋರಿಸಿಕೊಳ್ಳುತ್ತಾರೆ. ನಾವು ಸೌಜನ್ಯಕ್ಕಾಗಿ ವಂದಿಸಿದರೆ ಪ್ರತಿವಂದನೆ ಮಾಡುವಷ್ಟು ಸಂಸ್ಕಾರ ಬಹಳ ಕಡಿಮೆ ಜನರಲ್ಲಿ ಕಾಣಬಹುದು. ನೌಕರರು/ಅಧಿಕಾರಿಗಳು ಸಾರ್ವಜನಿಕರೊಂದಿಗೆ ಬಹಳ ಬಿಗುಮಾನದಿಂದ ವರ್ತಿಸಬೇಕೆಂಬ ಸರಕಾರೀ ನಿಯಮವೇನಾದರೂ ಇದೆಯೋ ಏನೋ ನನಗೆ ಗೊತ್ತಿಲ್ಲ! ಬಾಯಿ ಬಿಟ್ಟರೆ ಮುತ್ತು ಸುರಿಯುತ್ತೇನೋ ಎನ್ನುವಂತೆ ವರ್ತಿಸುತ್ತಾರೆ. ನಮ್ಮ ಎಷ್ಟೋ ಅನುಮಾನ/ಪ್ರಶ್ನೆಗಳಿಗೆ ಸಮಂಜಸವಾದ ಪರಿಹಾರ/ಉತ್ತರ ಸಿಗುವುದೇ ಇಲ್ಲ. ಅವರು ನಮ್ಮೊಂದಿಗೆ ಸಲಿಗೆ/ಆತ್ಮೀಯತೆ ತೋರಿದರೆ ನಾವು ಅವರಿಗೆ ಸಲ್ಲಿಸಬೇಕಾದ ಕಪ್ಪ/ಕಾಣಿಕೆ, ಗೌರವಕ್ಕೆಲ್ಲಿ ಚ್ಯುತಿ ಬರುವುದೋ ಎಂದು ಹೀಗೆ ಅಮಾನುಷವಾಗಿ ನಡೆದುಕೊಳ್ಳಬಹುದೆಂದು ನನ್ನ ಅನುಮಾನ! ಸೌಜನ್ಯದಿಂದ ವರ್ತಿಸಿದ್ದೇ ಆದಲ್ಲಿ ಕೆಲಸಕ್ಕಾಗಿ ಮೂರ್ನಾಲ್ಕು ಬಾರಿ ಓಡಾಡಿದರೂ ಬೇಸರವಾಗುವುದಿಲ್ಲ. ಹಾಗಾಗಿ, ಬಹಳಷ್ಟು ದೂರುಗಳು ಕಡಿಮೆಯಾಗುತ್ತವೆ ಅಧಿಕಾರದ ಮುಖವಾಡ ಕಳಚಿ ಶ್ರೀ ಸಾಮಾನ್ಯನೊಂದಿಗೆ ಬೆರೆತರೆ ಅವರುಗಳು ಪವಾಡಗಳನ್ನೇ ಮಾಡಬಹುದು. ಅಧಿಕಾರದಲ್ಲಿರುವಾಗ ಸಮಾಜಮುಖಿ/ಜನಪರ ಚಿಂತನೆಗಳನ್ನು ಮಾಡಲು ಏಕೆ ಸಾಧ್ಯವಾಗುವುದಿಲ್ಲವೋ ನನಗೆ ತಿಳಿಯುತ್ತಿಲ್ಲ . ಬಹುಷಃ ನಮ್ಮ ದೊಡ್ಡ ದುರಂತ ಇದೇ ಎಂದು ನನ್ನ ಅನಿಸಿಕೆ. ಖುರ್ಚಿಯಲ್ಲಿ ಕುಳಿತ ಕ್ಷಣ ನಾವು ನಮ್ಮ ದೇಶ, ಭಾಷೆ, ಸಮಾಜವನ್ನು ಭಿನ್ನ ದೃಷ್ಟಿಯಿಂದ ನೋಡಿ, ಸ್ವಹಿತಕ್ಕೆ ಹೆಚ್ಚಿನ ಪ್ರಾಶಸ್ತ್ಯ ಕೊಡುತ್ತೇವೆ ಅನಿಸುತ್ತೆ.

ನಮಗೆ ಸ್ವಾತಂತ್ರ ಲಭಿಸಿ ಆರೂವರೆ ದಶಕವಾದರೂ, ಯಾವುದೇ ರಂಗದಲ್ಲೂ ನಾವೆಣಿಸಿದಷ್ಟು ಅಭಿವೃದ್ದಿಯಾಗದಿರಲು ಈ ನಮ್ಮ ಮನೋಭಾವನೆಯೇ ಮುಖ್ಯ ಕಾರಣವಿರಬಹುದು. ನಾಗರಿಕರಿಗೆ ದೊರಕಬೇಕಾದ ಗೌರವ, ಅವರಲ್ಲಿರಬೇಕಾದ ನಂಬಿಕೆ ದೂರವಾಗಿ, ಸರಕಾರ-ನಾಗರಿಕ ವಿಮುಖವಾಗಿ ದೂರ-ದೂರ ಹೋಗಿ, ನಮ್ಮ ಸರಕಾರವೆಂಬ ಅಭಿಮಾನ ಶ್ರೀ ಸಾಮಾನ್ಯನಲ್ಲಿ ನಶಿಸುತ್ತಿದೆ. ಸರಕಾರವೇ ಬೇರೆ, ನಾಗರಿಕರೇ ಬೇರೆ ಎಂಬ ವಾತಾವರಣ ಮೂಡುತ್ತಿದೆ. ಈ ಭಾವನೆ ದೇಶದ ಹಿತದೃಷ್ಟಿಯಿಂದ ಬಹಳ ಆತಂಕಕಾರಿ .

ಕೇಂದ್ರ ಸರಕಾರದ ಕಛೇರಿಗಳಲ್ಲಿ ಪರಿಸ್ಥಿತಿ ಸಾಕಷ್ಟು ಸುಧಾರಿಸಿದೆ. ವರಮಾನ ತೆರಿಗೆ ಇಲಾಖೆ, ಪಾಸ್ಪೋರ್ಟ್ ಕಛೇರಿ ಮುಂತಾದೆಡೆ ಶ್ರೀಸಾಮಾನ್ಯನನ್ನು ಗೌರವದಿಂದ ಕಂಡು ಕೆಲಸ ಸರಾಗವಾಗಿ ಆಗುವಂತೆ ನೋಡಿಕೊಳ್ಳುತ್ತಾರೆ. ಆದರೆ ರಾಜ್ಯ ಸರಕಾರದ ಆರ್.ಟೀ.ಓ, ಕಂದಾಯ, ನೋಂದಣಿ, ನಗರಸಭೆ, ನಗರಾಭಿವೃದ್ದಿ, ವಾಣಿಜ್ಯ ತೆರಿಗೆ, ಕೈಗಾರಿಕೆ ಮುಂತಾದ ಅನೇಕ ಇಲಾಖೆಗಳು ಜನಗಳಿಗೆ ತೊಂದರೆ ಕೊಡುವುದಕ್ಕಾಗಿಯೇ ಕಾರ್ಯ ನಿರ್ವಹಿಸುವಂತೆ ತೋರುತ್ತೆ. ಈ ಇಲಾಖೆಗಳಿಂದಲೇ ಸರಕಾರಕ್ಕೆ ಸಲ್ಲಬೇಕಾದ ರಾಜಸ್ವ ಸಲ್ಲುತ್ತಿರುವುದು. ನ್ಯಾಯವಾಗಿ ಈ ಇಲಾಖೆಗಳು ರಾಜಸ್ವ ಸಲ್ಲಿಸುವ ನಮ್ಮನ್ನು ಗೌರವದಿಂದ ನಡೆಸಿಕೊಂಡು, ಪ್ರೀತಿಯಿಂದ ಕಾನೂನು ಬದ್ದವಾದ ಕೆಲಸವನ್ನು ಸುಲಭವಾಗಿ ಮಾಡಿ ಕೊಡಬೇಕು. ಆದರೆ, ನಮಗೆ ಕೊಡಬಾರದ ಕಿರುಕುಳಕೊಟ್ಟು ನಮ್ಮಿಂದ ಶಾಪ ಪಡೆಯುತ್ತಿರುವುದು ವಿಪರ್ಯಾಸ. ನೌಕರಶಾಹಿಗೆ ಕೊಡುತ್ತಿರುವ ಸಂಬಳ, ಸೌಲತ್ತುಗಳು ಯಾವುದೇ ಬಹು ರಾಷ್ಟ್ರೀಯ ಕಂಪನಿಯದಕ್ಕಿಂತ ಕಡಿಮೆಯೇನಿಲ್ಲ ಹಾಗಿದ್ದಮೇಲೆ ಆ ಕಾರ್ಯಕ್ಷಮತೆ ಇಲ್ಲೇಕಿಲ್ಲ?

ಹೀಗೆಂದ ಮಾತ್ರಕ್ಕೆ ಸರಕಾರೀ ಇಲಾಖೆಗಳಿಂದ ಕೆಲಸವೇ ಆಗುತ್ತಿಲ್ಲವೆಂದಲ್ಲ. ಅನೇಕ ಇಲಾಖೆಗಳು ತಮ್ಮ ಪಾಡಿಗೆ ತಮ್ಮ ಜವಾಬ್ದಾರಿಯನ್ನು ಸದ್ದಿಲ್ಲದೇ ಮಾಡಿ ದೇಶ ಕಟ್ಟುವ ಕಾರ್ಯದಲ್ಲಿ ನಿರತವಾಗಿವೆ. ಆ ಇಲಾಖೆಗಳಲ್ಲಿ ಸಾರ್ವಜನಿಕ ಸಂಪರ್ಕ ಕಡಿಮೆಯಿದ್ದು ಅವರ ಸೇವೆಗೆ ಹೆಚ್ಚಿನ ಪ್ರಚಾರ ಸಿಗದಿರಬಹುದು.

ಸಾಮಾನ್ಯರಿಗೆ ಯಾವ ಪಕ್ಷದ ಸರಕಾರ ಇದೆ ಎಂಬುದು ಮುಖ್ಯವಾಗುವುದಿಲ್ಲ. ಸರಕಾರ ಹೇಗೆ ಕೆಲಸ ನಿರ್ವಹಿಸುತ್ತಿದೆ ಎನ್ನುವುದು ಮುಖ್ಯ. ಸಾರ್ವಜನಿಕರ ಸಂಪರ್ಕ ಹೆಚ್ಚು ಇರುವ ಇಲಾಖೆಗಳು ಜನರ ಬೇಡಿಕೆಗೆ ಸರಿಯಾಗಿ ಸ್ಪಂದಿಸಿದರೆ ಸರಕಾರ ಚೆನ್ನಾಗಿ ಕೆಲಸ ಮಾಡುತ್ತಿದೆ ಎನಿಸುತ್ತೆ ಹಾಗಾಗಿ ಈ ಕೊಂಡಿಗಳು ಭದ್ರವಾದರೆ ಸರಕಾರಕ್ಕೂ ಹೆಮ್ಮೆ, ನಾಗರಿಕರಿಗೂ ನೆಮ್ಮದಿ.

ಬೇಟೆರಾಯರ ಸನ್ನಿಧಿಯಲ್ಲಿ...

ತುಮಕೂರು ಜಿಲ್ಲೆಯ ತುರುವೇಕೆರೆಗೆ ಭೇಟಿ ಕೊಡುವ ಒಂದು ಅವಕಾಶ ಇತ್ತೀಚಿಗೆ ನನಗೆ ಒದಗಿ ಬಂದಿತ್ತು. ಮೈಸೂರಿನಿಂದ ಪಾಂಡವಪುರ, ನಾಗಮಂಗಲ, ಮಾಯಸಂದ್ರ ಮಾರ್ಗ ತುರುವೆಕೆರೆಗೆ ಕಾರಿನಲ್ಲಿ ಕೇವಲ ಎರಡೂವರೆ ತಾಸಿನ ಪ್ರಯಾಣ. ಪಾಂಡವಪುರದ ಸಮೀಪ  6-8 ಕಿ.ಮಿ. ಬಿಟ್ಟರೆ, ಉಳಿದ ಮಾರ್ಗ ಯಾವ ವಿದೇಶಿ ರಸ್ತೆಗೂ ಕಡಿಮೆಯಿಲ್ಲ. ಬಹಳ ಸೊಗಸಾದ ರಸ್ತೆ. ಇಕ್ಕೆಲಗಳಲ್ಲಿ ಪ್ರಾಕೃತಿಕ ಸೊಬಗನ್ನು ಸವಿಯುತ್ತ ದಾರಿ ಸವೆಯುವುದೇ ತಿಳಿಯುವುದಿಲ್ಲ.

ತುರುವೇಕೆರೆ ಒಂದು ಸಣ್ಣ ಪ್ರಾಚೀನ ಪಟ್ಟಣ. ಇಂದಿನ ಜನ ಸಂಖ್ಯೆ ಬಹುಷಃ 20,000 ಮೀರಿರಲಾರದು. ಕೃಷಿ ಮುಖ್ಯ ಕಸುಬು. ಸಣ್ಣ-ಪುಟ್ಟ ವ್ಯಾಪಾರ ವ್ಯವಹಾರ ಇತ್ತೀಚಿನದು. ಕೆರೆಯ ನೀರೇ ಜೀವಾಧಾರ. ಮಳೆ ಕಡಿಮೆ ಬೀಳುವ ಬಯಲು ಪ್ರದೇಶವಾದುದರಿಂದ ಬಾವಿಯಲ್ಲಿ ನೀರಿಗೂ ಬಹಳ ತ್ರಾಸ ಪಡಬೇಕಾದ ಪರಿಸ್ತಿತಿ. ಅನೇಕ ಬಾವಿಗಳು ಬತ್ತಿವೆ. ಹೇಮಾವತಿ ಜಲಾಶಯದಿಂದ ಇಲ್ಲಿನ ಕೆರೆಗೆ ನೀರುಣಿಕೆ ಮಾಡಿದಾಗ ಸ್ವಲ್ಪ ನೆಮ್ಮದಿ.

ಇಂತಹ ಪುರಾತನ ಪಟ್ಟಣದ ವಿಶೇಷ ಇಲ್ಲಿನ ಪ್ರಾಚೀನ ಸುಂದರ ಗುಡಿಗಳು. ಊರಿನ ತುಂಬೆಲ್ಲಾ ಹತ್ತಾರು ಸಣ್ಣ-ಪುಟ್ಟ ಗುಡಿಗಳು, ಐದಾರು ದೇವಾಲಯಗಳು ಅಂದಿನ ಕಲಾ ವೈಭವ ಹಾಗೂ ಸಾಮರಸ್ಯ ಜೀವನ ಶೈಲಿಯನ್ನು ಎತ್ತಿ ಸಾರುತ್ತಿವೆ. ಶೈವ ದೇವಾಲಯದ ಪಕ್ಕದಲ್ಲೇ ವಿಷ್ಣು ದೇವಾಲಯವಿದೆ. ಎರಡನ್ನೂ ಹೊಯ್ಸಳರ ಕಾಲದಲ್ಲಿ ಕಟ್ಟಿರುವುದಕ್ಕೆ ಪುರಾವೆಗಳಿವೆ. ದೇವಾಲಯಗಳ ಮೇಲೆ ಹೊರ ಧಾಳಿಗಳಾಗಿ, ಅನೇಕ ವಿಗ್ರಹಗಳು ವಿರೂಪಗೊಂಡಿವೆ. ಇಂದಿನ ಜೀವನ ಶೈಲಿಯೋ, ಪುರಾತನ ದೇಗುಲಗಳ ಬಗ್ಗೆ ತಾತ್ಸಾರವೋ, ಸರಕಾರದ ನಿರ್ಲಕ್ಷ್ಯವೋ, ಒಟ್ಟಿನಲ್ಲಿ ಯಾವ ದೇಗುಲವನ್ನೂ ಸರಿಯಾಗಿ ಕಾಪಾಡದೆ ಅಂದಿನ ಕುರುಹುಗಳನ್ನು ನಾವೇ ಹಾಳು ಮಾಡುತ್ತಿದ್ದೇವೆನಿಸುತ್ತದೆ. ಶಂಕರೇಶ್ವರ, ಚನ್ನಕೇಶವ ಮುಂತಾದ ಹೊಯ್ಸಳರ ಕಾಲದ ದೇವಾಲಯಗಳಿಗೆ ಬಹುಷಃ ಅರ್ಚಕರೊಬ್ಬರನ್ನು ಬಿಟ್ಟರೆ ಬೇರಾರೂ ಈಗ ಸಾಮಾನ್ಯ ದಿನಗಳಲ್ಲಿ ಭೇಟಿ ಕೊಡುವ ಹಾಗೆ ಗೋಚರಿಸುವುದಿಲ್ಲ. ಸರಿಯಾದ ರಕ್ಷಣೆ ಇಲ್ಲದೆ ಕಟ್ಟಡಗಳು ನಲುಗುತ್ತಿವೆ.

ಪಟ್ಟಣದ ಮುಖ್ಯ ದೇವಾಲಯ ಶ್ರೀ ಬೇಟೆರಾಯ ಸ್ವಾಮಿಯದು. 1242ರಲ್ಲಿ ಪ್ರತಿಷ್ಠಾಪಿತವಾದ ಸುಂದರ ದೇವ ಮೂರ್ತಿ. ದ್ವಾಪರ ಯುಗಾಂತ್ಯದಲ್ಲಿ ಮ್ರುಕಂಡು ಮುನಿ ಹಾಗು ಚಂದ್ರ ಚೂಡ ಮುನಿಗಳು ಈ ಸ್ಥಳದಲ್ಲಿ ತಪಸ್ಸು ಮಾಡುವಾಗ, ರಾಕ್ಷಸರು ಮೃಗ ರೂಪ ಧರಿಸಿಕೊಂಡು ಬಂದು ಇವರನ್ನು ಮತ್ತು ಪ್ರಜೆಗಳನ್ನು ಹಿಂಸಿಸುತ್ತಿರಲು, ತಪಸ್ವಿಗಳು ಮಹಾ ವಿಷ್ಣುವಿನ ಮೊರೆಹೋಗಿ ತಮ್ಮನ್ನು ರಕ್ಷಿಸಲು ಬೇಡಿಕೊಂಡಾಗ ಮಹಾ ವಿಷ್ಣುವು ಬೇಟೆಗಾರನ ರೂಪದಲ್ಲಿ ಬಂದು ಅವರನ್ನು ರಕ್ಷಿಸಲಾಗಿ ಅವರು ಸ್ವಾಮಿಯನ್ನು ಅಲ್ಲೇ ನೆಲಸಿ ತಮ್ಮ ಸೇವೆಗೆ ಅವಕಾಶ ಮಾಡಿಕೊಡಬೇಕೆಂದು ಪ್ರಾರ್ಥಿಸುತ್ತಾರೆ. ಅದಕ್ಕೆ ಮಹಾ ವಿಷ್ಣುವು ಕಲಿಯುಗದಲ್ಲಿ ಅಲ್ಲಿ ಬೇಟೆರಾಯನಾಗಿ ನೆಲಸುವುದಾಗಿಯೂ, ಅದುವರೆವಿಗೂ ಅಲ್ಲಿನ ಪಕ್ಷಿಮಡುವಿನಲ್ಲಿ ಜಲಧಿವಾಸ ಮಾಡುತ್ತಾ ನಿರೀಕ್ಷಿಸುವುದಾಗಿ ಅಭಯ ಕೊಡುತ್ತಾನೆ. ನಂತರ ಕಲಿಯುಗದಲ್ಲಿ ಸ್ಥಳ ವಾಸಿ ಚೌಡಯ್ಯನವರ ಸ್ವಪ್ನದಲ್ಲಿ ಪ್ರೇರಣೆಯಾಗಿ, ಅವರಿಂದ ಸ್ವಾಮಿಯ ವಿಗ್ರಹ ಪಕ್ಷಿಮಡುವಿನಿಂದ ಸ್ಥಳಾಂತರಗೊಂಡು ಈಗಿನ ಸ್ಥಳದಲ್ಲಿ ಪ್ರತಿಸ್ಥಾಪನೆಯಾಯಿತೆಂದು ಸ್ಥಳ ಪುರಾಣ ತಿಳಿಸುತ್ತದೆ. ನಂತರ ದೇವಸ್ಥಾನದ ನಿರ್ಮಾಣ ನಿರಾಯಾಸವಾಗಿ ನಡೆಯಿತು. ಸ್ವಾಮಿಯ ಪ್ರತಿಷ್ಠೆಯಾದ ನಂತರ, ನೈಋತ್ಯ ಮೂಲೆಯಲ್ಲಿ ಮಹಾಲಕ್ಷ್ಮಿಅಮ್ಮನವರ ಪ್ರತಿಷ್ಠೆ ಹಾಗು ದೇವಾಲಯ ನಿರ್ಮಾಣ ನೆರವೇರಿತೆಂದು ತಿಳಿದುಬರುತ್ತೆ. ಕಣ್ಮನ ತಣಿಸುವ ಬಹು ಸುಂದರ ದೇವಮೂರ್ತಿಗಳನ್ನು ಎಷ್ಟು ನೋಡಿದರೂ ಸಾಲದು. ಈಗ ದೇವಸ್ಥಾನ ಸರಕಾರದ ಮುಜರಾಯಿ ಇಲಾಖೆಯ ಉಸ್ತುವಾರಿಯಲ್ಲಿದೆ. ನಿತ್ಯ ಪೂಜಾ ಕಾರ್ಯ, ಉತ್ಸವ, ರಥೋತ್ಸವಗಳು ನಡೆಯುತ್ತವೆ.

12ನೆಯ ಶತಮಾನದ ಗಂಗಾಧರೇಶ್ವರ ದೇವಾಲಯ ಬೇಟೆರಾಯ ಸ್ವಾಮಿ ದೇವಾಲಯದಿಂದ ಕೆಲವೇ ಗಜಗಳ ದೂರದಲ್ಲಿದೆ. ದ್ರಾವಿಡ ಶೈಲಿಯ ಈ ಪುರಾತನ ದೇವಾಲಯದಲ್ಲಿ ಈಶ್ವರ ಲಿಂಗದ ಶಿರದಲ್ಲಿ ಗಂಗೆ ಜಪ ಸರ ಹಿಡಿದು ಜಪ ಮಾಡುತ್ತಿದ್ದಾಳೆ. ಮೇಲಿನ ಪ್ರಭಾವಳಿಯಿಂದ ನೀರು ಉಕ್ಕುತ್ತಿರುವಂತೆ ಕೆತ್ತನೆ ಮಾಡಲಾಗಿದೆ. ಪ್ರಭಾವಳಿಯ ಒಂದು ಬದಿಯಲ್ಲಿ ಸೂರ್ಯ, ಮತ್ತೊಂದು ಬದಿಯಲ್ಲಿ ಚಂದ್ರ ನೆಲೆಸಿದ್ದಾರೆ. ಲಿಂಗದ ನೆತ್ತಿಯ ಮೇಲೆ ಜಟೆಯ ಕೆತ್ತನೆ ಇದೆ. ಲಿಂಗದ ನೊಸಲಿನ ಭಾಗದಲ್ಲಿ 27 ನಕ್ಷತ್ರಗಳನ್ನು ಕೆತ್ತಲಾಗಿದೆ. ಬಹಳ ಅಪರೂಪದ ಲಿಂಗ ನಾನು ಮೊದಲ ಬಾರಿಗೆ ಕಂಡದ್ದು. ದೇವಾಲಯ ಉತ್ತರಾಭಿಮುಖವಾಗಿದೆ. ಲಿಂಗಾಭಿಷೇಕವಾದ ನೀರೆಲ್ಲಾ ಪಶ್ಚಿಮಾಭಿಮುಖವಾಗಿ ಕೆಳಗೆ ಹರಿದು ಬರುತ್ತೆ. ಕಂಚಿನ ಉತ್ಸವ ಮೂರ್ತಿ ಕೂಡ ಬಹಳ ಸುಂದರವಾಗಿದೆ. ಉತ್ಸವ ಮೂರ್ತಿಯ ಬಲ ಪಾದದ ಮೇಲೆ ಒಂದು ಕಣ್ಣಿದೆ. ಇದೂ ಸಹ ನಾನು ಕಂಡ ಬಹಳ ಅಪರೂಪದ ಮೂರ್ತಿ. ದೇವಾಲಯದ ದ್ವಾರದಲ್ಲಿ ಸುಂದರವಾದ 7 ಅಡಿ ಎತ್ತರದ ಬಸವಣ್ಣನನ್ನು (ನಂದಿ) ಕಡೆದು ಕೂರಿಸಲಾಗಿದೆ. ಇದರ ಮೇಲ್ಮೈ ನಮ್ಮ ಮುಖ ಕಾಣುವಷ್ಟು ನುಣುಪಾಗಿದೆ. ದೇವಾಲಯದ ಮತ್ತೊಂದು ಆಕರ್ಷಣೆ ಕಲ್ಲಿನ ದೊಡ್ಡ ಘಂಟೆ. ಇದರ ವ್ಯಾಸ 2 ಅಡಿ. ಘಂಟಾನಾದ ಮಧುರವಾಗಿದೆ. ಇದರ ಅಡಿಯಲ್ಲೇ ಬೇಡರ ಕಣ್ಣಪ್ಪ ಶಿವನಿಗೆ ಕಣ್ಣು ಅರ್ಪಿಸುತ್ತಿರುವ ಕೆತ್ತನೆ ಇದೆ. ದೇವಾಲಯ ದರ್ಶನ ಬಹಳ ಹಿತವಾದ, ಮುದ ನೀಡುತ್ತೆ.

ಮೂಲೆ ಶಂಕರೇಶ್ವರ ದೇವಾಲಯ

ಗಂಗಾಧರೇಶ್ವರ ದೇವಾಲಯದ ಎದುರಲ್ಲಿ ಅನತಿ ದೂರದಲ್ಲಿ ಮೂಲೆ ಶಂಕರೇಶ್ವರ ದೇವಾಲಯವಿದೆ. 12ನೇ ಶತಮಾನದ ಹೊಯ್ಸಳ ಶೈಲಿಯ ಅತಿ ಸುಂದರ ದೇವಾಲಯ. ತೆಂಗಿನ ತೋಟಗಳ ಸುಂದರ ಹಿನ್ನೆಲೆ ಹೊಂದಿರುವ ಅದ್ಭುತ ತಾಣ. ಪುರ್ವಾಭಿಮುಖವಾಗಿರುವ ಗರ್ಭ ಗುಡಿಗೆ, ನವರಂಗದ ಮೂಲಕ ಉತ್ತರಾಭಿಮುಖವಾಗಿ ಪ್ರವೇಶ. ನಕ್ಷತ್ರಾಕಾರದ ವೇದಿಕೆಯ ಮೇಲೆ ನಿರ್ಮಾಣ ಗೊಂಡಿರುವ ಅದ್ಭುತ ಕಲಾಕೃತಿ. ಇಲ್ಲಿನ ಕೆಲವು ಭಗ್ನಗೊಂಡ ವಿಗ್ರಹಗಳನ್ನು ಹಾಗೆಯೇ ರಕ್ಷಿಸಲಾಗಿದೆ. ಶಿವಲಿಂಗವಂತೂ ಅತಿ ಸುಂದರವಾಗಿದೆ. ಧರ್ಮಸ್ಥಳದ ಶ್ರೀ ವೀರೇಂದ್ರ ಹೆಗ್ಗಡೆಯವರ ನೆರವಿನಿಂದ ಶಿಥಿಲಗೊಂಡಿದ್ದ ಈ ದೇವಾಲಯವನ್ನು ಪುನರುಜ್ಜೀವನಗೊಳಿಸಲಾಗಿದೆ.

ಚೆನ್ನಕೇಶವ ದೇವಾಲಯ

ಗಂಗಾಧರೇಶ್ವರ ದೇವಾಲಯದ ಪಶ್ಚಿಮಕ್ಕೆ 500 ಅಡಿಗಳ ದೂರದಲ್ಲಿ ಶ್ರೀ ಚನ್ನಕೇಶವ ದೇವಾಲಯವಿದೆ. 12ನೇ ಶತಮಾನದ ಹೊಯ್ಸಳ ಶೈಲಿಯ ಸುಂದರ ದೇವಾಲಯ. ಚನ್ನಕೇಶವ ವಿಗ್ರಹ ಸುಮಾರು 6 ಅಡಿ ಎತ್ತರವಿದ್ದು ಬಹಳ ಸುಂದರವಾಗಿದೆ. ದೇವರು ಎದುರಲ್ಲೇ ನಿಂತ ಅನುಭವವಾಗುತ್ತೆ. ಎಲ್ಲ ಹೊಯ್ಸಳ ನಿರ್ಮಾಣದಂತೆ ಈ ದೇವಾಲಯವೂ ನಕ್ಷತ್ರಾಕಾರದ ವೇದಿಕೆಯ ಮೇಲೆ ಸುಂದರವಾಗಿ ನಿರ್ಮಾಣವಾಗಿದೆ.

ಈ ಮೂರೂ ದೇವಾಲಯಗಳನ್ನು ರಾಜ್ಯ ಪುರಾತತ್ವ ಇಲಾಖೆ ನೋಡಿಕೊಳ್ಳುತ್ತಿದೆ. ಹಾಗೆಂದು ದೇವಾಲಯಗಳ ಮುಂದೆ ಒಂದೊಂದು ನಾಮಪಲಕ ನೇತಾಡುತ್ತಿದೆ. ಪಟ್ಟಣದಲ್ಲಿರುವ ಸುರಭಿ-ಸಂಗಮ ಟ್ರಸ್ಟ್ ನಾಗರಿಕರ ಸಹಕಾರದಿಂದ ಈ ದೇವಾಲಯಗಳಲ್ಲಿ ದೈನಂದಿನ ಪೂಜಾ ಕಾರ್ಯಗಳಿಗೆ ನೆರವಾಗುತ್ತಿದೆ.

ಇದಲ್ಲದೆ, ಪಟ್ಟಣದಲ್ಲಿ, ಹನುಮಂತನ ಗುಡಿ, ಗಣಪತಿ ಗುಡಿ, ವುಡಿಸಲಮ್ಮನ ಗುಡಿ, ಮಾರಿ ಗುಡಿ ಮುಂತಾಗಿ ಅನೇಕ ಗುಡಿಗಳಿವೆ. ಅಲ್ಲಿರುವ ನನ್ನ ತಂಗಿಗೆ ನಾನು ಯಾವಾಗಲೂ ತಮಾಷೆ ಮಾಡುತ್ತಿದ್ದೆ. ನಿಮ್ಮ ಊರಿಗೆ ಪ್ರವೇಶ ಮಾಡುವಾಗ ಕೈ ಮುಗಿದು ಕೊಂಡು ಬಂದರೆ, ಪುನಃ ವಾಪಸು ಬರುವಾಗಲೇ ಬಿಡುಗಡೆ ಎಂದು. ಆ ಊರಿನಲ್ಲಿ ಒಂದು ನಾಣ್ನುಡಿ ಇದೆ. ಅದು ಹೀಗಿದೆ. ಅರಸು ಬೇಟೆರಾಯ, ವೈಭವದ ಗಂಗಪ್ಪ, ಪಾಪಿ ಚೆನ್ನಿಗರಾಯ, ದಿಕ್ಕಿಲ್ಲದ ಮೂಲೆ ಶಂಕರ. ಅಲ್ಲಿನ ದೇವಾಲಯಗಳ ಇಂದಿನ ಸ್ಥಿತಿ ನೋಡಿದರೆ ಈ ಮಾತು ನಿಜವೆನಿಸುತ್ತೆ!

ಮೈಸೂರಿನ ಕೆರೆಗಳು

ಮೈಸೂರು ಪಿಂಚಿನಿದಾರರ ಸ್ವರ್ಗ ಎನ್ನುವ ಮಾತಲ್ಲಿ ಉತ್ಪ್ರೇಕ್ಷೆಯೇನಿಲ್ಲ. ಎರಡನೇ ದರ್ಜೆ ನಗರವಾಗಿರುವುದರಿಂದ ನಗರ ವಾಸದ ಎಲ್ಲ ಅನುಕೂಲವೂ ಇಲ್ಲಿದೆ. ಜೊತೆಗೆ ಮಹಾರಾಜರ ದೂರದೃಷ್ಟಿಯ ಫಲವಾಗಿ ಇತರ ನಗರಗಳಿಗಿಂತ ಹೆಚ್ಚಿನ ಅನುಕೂಲವೂ ಇಲ್ಲಿದೆ. ವಿಶಾಲವಾದ ರಸ್ತೆಗಳು, ವ್ಯವಸ್ಥಿತ, ಯೋಜನಾಬದ್ದ ಬಡಾವಣೆಗಳು, ನೀರಿನ ವ್ಯವಸ್ಥೆ, ಒಳ ಚರಂಡಿ ವ್ಯವಸ್ಥೆ, ವಿದ್ಯುತ್, ಕಸ ವಿಲೇವಾರಿ, ಎಲ್ಲವೂ ಸಮರ್ಪಕವಾಗಿದ್ದು, ಹಿತಕರ ಜೀವನಕ್ಕೆ ಪೂರಕವಾಗಿವೆ.

ಅಲ್ಲಲ್ಲಿ ಸಣ್ಣ - ಪುಟ್ಟ ಉದ್ಯಾನವನಗಳಿದ್ದು, ಬೆಂಗಳೂರಿನ 'ಉದ್ಯಾನನಗರಿ' ಬಿರುದನ್ನು ಮೈಸೂರು ತನ್ನದಾಗಿಸುಕೊಳ್ಳುವಲ್ಲಿ ಮುಂಚೂಣಿಯಲ್ಲಿದೆ. ಕುಕ್ಕರಹಳ್ಳಿ ಕೆರೆ, ಕಾರಂಜಿ ಕೆರೆ ಹಾಗೂ ಲಿಂಗಾಂಬುದಿ ಕೆರೆಗಳು ಮೈಸೂರಿನ ಪ್ರಾಕೃತಿಕ ಸೊಬಗನ್ನು ಹೆಚ್ಚಿಸಲು ನೆರವಾಗಿವೆ. ಈ ಎಲ್ಲ ಕೆರೆಗಳೂ ಅನೇಕಾನೇಕ ಪಕ್ಷಿ ಸಂಕುಲಗಳ ತವರಾಗಿವೆ. ಅತಿ ಅಪರೂಪದ ಪಕ್ಷಿಗಳನ್ನು ಈ ತಾಣಗಳಲ್ಲಿ ನಾವು ಕಾಣಬಹುದು. ವಿಶ್ವದ ಎಲ್ಲೆಡೆಯಿಂದ ಪಕ್ಷಿಗಳು ಇಲ್ಲಿಗೆ ವಲಸೆ ಬಂದಿರುವುದನ್ನು ನೋಡಬಹುದು. ಮೈಸೂರಿನ ಹೊರವಲಯದಲ್ಲಿರುವ ಲಿಂಗಾಂಬುದಿ ಅತಿ ಹೆಚ್ಚು ಪಕ್ಷಿಗಳನ್ನು ಆಕರ್ಷಿಸುವ, 217 ಎಕರೆ ವಿಸ್ತಾರದ ಪಕ್ಷಿಧಾಮ ಹಾಗು ರಕ್ಷಿತಾರಣ್ಯ. ಈ ಕೆರೆಯು 1828ರಲ್ಲಿ ರಾಣಿ ಲಿಂಗಾಜಮ್ಮಣ್ಣಿಯವರಿಂದ ನಿರ್ಮಾಣವಾಯಿತೆಂದು ದಾಖಲೆಯಿದೆ. ನಗರದಿಂದ ಸಾಕಷ್ಟು ದೂರದಲ್ಲಿದ್ದ ಈ ಕೆರೆಗೆ ಬಹಳ ವಿಸ್ತಾರವಾದ ಜಲಾನಯನ ಪ್ರದೇಶವಿದ್ದು ನೀರಿನ ಪೂರೈಕೆ ಚೆನ್ನಾಗಿ ಆಗುತ್ತಿತ್ತೆನ್ನುವ ಮಾತಿದೆ. ವಿಸ್ತಾರವಾದ ಈ ಕೆರೆಯಿಂದ ಸುತ್ತ-ಮುತ್ತಲಿನ ಗ್ರಾಮಗಳ ಕುಡಿಯುವ ನೀರಿನ ಪೂರೈಕೆ, ದನ ಕರುಗಳ ನೀರಿನ ಅವಶ್ಯಕತೆ, ವ್ಯವಸಾಯದ ನೀರಿನ ಅವಶ್ಯಕತೆ, ಮೀನುಗಾರಿಕೆ, ಗ್ರಾಮವಾಸಿಗಳ ಸ್ವಚ್ಚತೆ, ಮುಂತಾದ ಅನೇಕ ಅವಶ್ಯಕತೆಗಳ ಪೂರೈಕೆ ಸುಸೂತ್ರವಾಗಿ ನೆರವೇರುತ್ತಿತ್ತು. ಈಗ ನಗರದ ವಿಸ್ತೀರ್ಣ ಕಾರಣವಾಗಿ ಕೆರೆಯ ಸುತ್ತ ಮುತ್ತಲೆಲ್ಲ ಮನೆಗಳಾಗಿ, ಕೆರೆಗೆ ನೀರಿನ ಒರತೆ ಇಲ್ಲದೆ ಜಲ ವಿಸ್ತಾರ ಬಹಳ ಕಡಿಮೆಯಾಗಿದೆ. ಭೇಟಿ ಕೊಡುವ ಪಕ್ಷಿ ಸಂಕುಲವೂ ಕಡಿಮೆಯಾಗಿದೆ.

ಅರಣ್ಯ ಇಲಾಖೆಯ ಮನವಿಯ ಮೇರೆಗೆ 2003ರಲ್ಲಿ ಈ ಪ್ರದೇಶವನ್ನು ರಕ್ಷಿತಾರಣ್ಯವಾಗಿ ಘೋಷಿಸಲಾಗಿದೆ. ಅಂದಿನಿಂದ ಸಂರಕ್ಷಣೆಯ ಕಾರ್ಯ ಎಡೆಬಿಡದೆ ಸಾಗಿ, ಪೂರಕವಾಗಿ ಅರಣ್ಯ ಬೆಳೆಸುವ ಕ್ರಿಯೆ ಪ್ರಾರಂಭವಾಗಿದೆ. ಕಳೆದ ವರ್ಷ ಕೆರೆಯಲ್ಲಿ ಸಾಕಷ್ಟು ಜಲ ಸಂಗ್ರಹವಾಗಿತ್ತು. ಈ ವರ್ಷ ಇದುವರೆಗೂ ನೀರು ಬಂದಿಲ್ಲ. ಬರದ ಕಾರಣ ಗಿಡ, ಮರಗಳೆಲ್ಲ ಒಣಗಿದ್ದು, ಇತ್ತೀಚಿನ ಸ್ವಲ್ಪ ಮಳೆಯಿಂದ ಚೇತರಿಸಿಕೊಂಡಿವೆ. ಅರಣ್ಯ ಇಲಾಖೆ ಪಕ್ಷಿಗಳ ಸಂರಕ್ಷಣೆಗಾಗಿ ಬಿದಿರಿನ ಮೆಳೆಯನ್ನು ಹೆಚ್ಚಾಗಿ ಬೆಳೆಸಿದೆ. ಬೇರೆ ಜಾತಿಯ ಮರ ಗಿಡಗಳೂ ಸಾಕಷ್ಟು ಸಂಖ್ಯೆಯಲ್ಲಿವೆ. ಸಾರ್ವಜನಿಕರಿಗೆ ಇಲ್ಲಿ ವಾಯು ವಿಹಾರದ ಸುಖಾನುಭವಕ್ಕೆ ಆಸ್ಪದ ಮಾಡಿಕೊಡಲಾಗಿದೆ. ಈ ಉದ್ಯಾನದಲ್ಲಿ ಒಂದು ಸುತ್ತು ಕ್ರಮಿಸಿದರೆ 1.5 ಕಿ.ಮೀ ಆಗುತ್ತದೆ.

ಈ ಕೆರೆಯ ಅಂಚಿನಲ್ಲೇ ಶ್ರೀ ಮಹಾಲಿಂಗೇಶ್ವರ ದೇವಾಲಯವಿದೆ. ಅತಿ ಪ್ರಾಚೀನವಾದ ಈ ದೇವಾಲಯಕ್ಕೆ ಇಲ್ಲಿನ ರಾಜರು ಬಹಳ ಭಯ - ಭಕ್ತಿಯಿಂದ ನಡೆದುಕೊಳ್ಳುತ್ತಿದ್ದರೆನ್ನುವುದಕ್ಕೆ ಸಾಕ್ಷಿಗಳಿವೆ. ನಿರಂತರ ಪೂಜಾಕಾರ್ಯಗಳಿಗೆ ದಾನ - ದತ್ತಿಗಳನ್ನು ಕೊಟ್ಟಿದ್ದರು. ದೇವಾಲಯದ ಪರಿಸರ ಸುಂದರವಾಗಿದ್ದು, ಚೊಕ್ಕಟವಾಗಿದೆ. ನಿತ್ಯ ಪೂಜಾ ಕಾರ್ಯ ನಡೆಯುತ್ತದೆ.

ಮೈಸೂರಿನ ಹೃದಯ ಭಾಗದಲ್ಲಿರುವ ಕುಕ್ಕರಹಳ್ಳಿ ಕೆರೆಯನ್ನು ಶ್ರೀ ಮುಮ್ಮಡಿ ಕೃಷ್ಣರಾಜ ವಡೆಯರ್ ಅವರು 1864ರಲ್ಲಿ ಕಟ್ಟಿಸಿದರೆಂಬ ದಾಖಲೆ ಇದೆ. ಸುಮಾರು 58 ಹೆಕ್ಟರ್ ವಿಸ್ತೀರ್ಣ (ಸುಮಾರು 150 ಎಕರೆ) 5 ಕಿ.ಮಿ. ದಡವನ್ನು ಹೊಂದಿರುವ ಈ ಕೆರೆ ಮಾನಸಗಂಗೋತ್ರಿ, ರಂಗಾಯಣ ಹಾಗು ಕೇಂದ್ರ ಆಹಾರ ಸಂಶೋದನಾಲಯದ ಮಧ್ಯದಲ್ಲಿದೆ. ಸುಮಾರು 10000 ಎಕರೆ ಕೃಷಿ ಭೂಮಿಗೆ ನೀರು ಒದಗಿಸುತ್ತಿದ್ದ ಹಾಗು ನಗರದ ದಾಹವನ್ನು ಬಹು ಮಟ್ಟಿಗೆ ತಣಿಸುತ್ತಿದ್ದ ಕೆರೆ ಈಗ ಭೂ ಕಬಳಿಕೆಯ ಪರಿಣಾಮವಾಗಿ ಮರಣದ ಅಂಚನ್ನು ತಲುಪಿದೆ. ಕೆರೆಯ ಒಡೆತನ ಈಗ ಮೈಸೂರು ವಿಶ್ವ ವಿದ್ಯಾಲಯಕ್ಕೆ ಸೇರಿದೆ. ಅವರು ಹಾಗು ನಾಗರಿಕ ವೇದಿಕೆ ಕೆರೆಯನ್ನು ಉಳಿಸಿಕೊಳ್ಳುವ ಹರ ಸಾಹಸ ಮಾಡುತ್ತಿದ್ದಾರೆ. ಒಂದು ಕಾಲದಲ್ಲಿ ಹತ್ತರಿಂದ ಹದಿನೈದು ಸಾವಿರದವರೆಗೆ ಪಕ್ಷಿಗಳು ಇಲ್ಲಿಗೆ ವಲಸೆ ಬರುತ್ತಿತ್ತೆನ್ನುವುದು ಪಕ್ಷಿ ವೀಕ್ಷಕರ ಅಭಿಪ್ರಾಯ. ಈಚೆಗೆ ಈ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗಿದೆ. ನೀರಿನ ಗುಣಮಟ್ಟ ಕಡಿಮೆಯಾಗಿರುವುದು, ಕೆರೆಯ ವತ್ತುವರಿಯಾಗಿರುವುದು ಮುಖ್ಯ ಕಾರಣವೆನ್ನಲಾಗುತ್ತಿದೆ. ಏಷ್ಯನ್ ಡೆವೆಲಪ್ಮೆಂಟ್ ಬ್ಯಾಂಕಿನ ಆರ್ಥಿಕ ನೆರೆವಿನಿಂದ ಸುಮಾರು 6-7 ವರುಷಗಳ ಹಿಂದೆ ಕೈಗೊಂಡ ಪುನರುಜ್ಜೀವನ ಕೆಲಸಗಳಿಂದ ಈಗ ಕೆರೆಯ ನೋಟ ಸುಂದರವಾಗಿದೆ. ಪಕ್ಷಿಗಳನ್ನು ನಿಧಾನವಾಗಿ ಆಕರ್ಷಿಸುತ್ತಿದೆ.

ಮೈಸೂರು ಪ್ರಾಣಿ ಸಂಗ್ರಹಾಲಯದ ಒಡೆತನದ ಕಾರಂಜಿ ಕೆರೆ ಪ್ರಾಕೃತಿಕ ಸೊಬಗನ್ನೊಳಗೊಂಡ ಸುಮಾರು 120 ಎಕರೆ ವಿಸ್ತೀರ್ಣವುಳ್ಳ, ಅತಿ ಹೆಚ್ಚು ಪ್ರವಾಸಿಗರನ್ನು ಆಕರ್ಷಿಸುವ ತಾಣ. ಒಂದು ಕಾಲದಲ್ಲಿ ವಲಸೆ ಹಕ್ಕಿಗಳ ಬೀಡಾಗಿದ್ದ ಈ ಕೆರೆ, ಮನು ಕುಲದ ಬೇಜವಾಬ್ದಾರಿಯಿಂದ ಪಕ್ಷಿಗಳ ತಿರಸ್ಕಾರಕ್ಕೆ ತುತ್ತಾಗಿದೆ! ಏಷ್ಯನ್ ಡೆವೆಲಪ್ಮೆಂಟ್ ಬ್ಯಾಂಕಿನ ಆರ್ಥಿಕ ನೆರವಿನಿಂದ ಕೈಗೊಂಡ ಅಭಿವೃದ್ದಿ ಕಾರ್ಯಗಳಿಂದ ಪರಿಸ್ಥಿತಿ ಸುಧಾರಿಸುತ್ತಿದೆ.

ಮನುಜ ಕುಲದ ದುರಾಸೆ, ಬೇಜವಾಬ್ದಾರಿತನ ನಮ್ಮನ್ನು ಇಂತಹ ಸುಂದರ ತಾಣಗಳಿಂದ ವಂಚಿಸುವುದರಲ್ಲಿ ಸಂಶಯವಿಲ್ಲ. ಈಗಲಾದರೂ ನಾವು ಎಚ್ಚೆತ್ತುಕೊಳ್ಳದಿದ್ದರೆ ಮುಂದಿನ ಜನಾಂಗ ನಮ್ಮನ್ನು ಶಪಿಸಬಹುದು.

Retirement Blues

After my retirement from service, I rescheduled my routine to spend the time as I like. There were no targets to be reached, budget to be achieved, customer to be wooed, boss to be satisfied and subordinates to be cajoled. I thought for a while that I am the boss and nobody can beat me. But believe me, I was wrong. I had a super boss whom I had not noticed. Yes! You guessed it correctly. My wife! She ordered me to get up early in the morning to go for a walk to keep my tummy in shape. Thus my dream of early morning sleep was shattered. With much reluctance and resistance I started walking.

While returning home I am not supposed to come empty handed. Milk booth will be open by that time and fresh milk is very good for tasty coffee. Fresh vegetables are available road side and they are good for health. You can't ignore the advice. Gradually this duty and responsibility was thrust on me.

Reading news papers in detail was not possible while in service. I used to glance head lines and finish reading. I enjoy reading news papers thoroughly. My habit is to read before bath and I will be dreaming about one more dose of coffee before going to bath. There comes a reprimand. It is already getting late. Why can't you go to bath? No coffee, nothing else unless you finish your bath. No second dose of coffee before breakfast!

These days it is very difficult to travel in auto-rickshaws. You can't afford to travel by auto particularly after retirement. Hence, I took up the role of driver whenever my wife wanted to go out for shopping, visits etc. Anyway, I had lot of time at my disposal and this new job helped me in spending time. Without this what will I do sitting idle at home?

I had missed a lot of marriages, upanayanams, chowlas, other religious and non religious functions held at our relatives’ families during my service at the bank. Now there is no excuse. I have made it a point to attend all the functions wherever I am invited. I have already added 12 kilos to my over weighing body. I am hopeful of adding 10 more kilos during this season!

I thought, I can watch the channel of my choice on the TV and spend some time. But where is the remote? It is always either with my wife or father. I had to be content watching a lot of ads and I am finding them to be more interesting than the main serial.

As I am at home, I have to voluntarily take to daily chores on occasions. You can't close your eyes and escape. I am inclined to believe that such occasions are slowly increasing and I am enjoying the new responsibility.

Some of my friends suggested me to take up online trading activity, from which, you can earn a lot and spend a good time. Some how this idea never went into my mind and I am not able to understand the intricacies of trading. It is very difficult for me to understand the economics.

Some of my friends are re-employed and earning salary equivalent to their pre-retirement salary in addition to their pension. As I am lazy by nature, seeking re-employment is also not capturing my attention.

As my super boss has entrusted me some work, I will stop at this and come back to you through my next blog.

Image Courtesy: http://www.veryfunnypics.com

ಮೊಬೈಲ್ ಕಿರಿ-ಕಿರಿ

ನಮ್ಮ ಜನಗಳ ಬೇಜವಾಬ್ದಾರಿಯೋ, ಹುಂಬತನವೋ ಅಥವಾ ಪ್ರತಿಷ್ಠೆಯ ಪ್ರದರ್ಶನವೋ ಗೊತ್ತಾಗುತ್ತಿಲ್ಲ. ಮೊಬೈಲ್ ಇಲ್ಲದೆ ಬದುಕೇ ಇಲ್ಲವೇನೋ ಎನ್ನುವಷ್ಟರ ಮಟ್ಟಿಗೆ ಅದರ ಮೇಲೆ ಅವಲಂಬಿತರಾಗಿದ್ದೇವೆ ಎನಿಸುತ್ತಿದೆ. ದ್ವಿಚಕ್ರ ವಾಹನ ಸವಾರಿ ಮಾಡುವಾಗಲೂ ಮೊಬೈಲಿನಲ್ಲಿ ಮಾತಾಡುತ್ತಲೇ ಚಲಿಸುವಷ್ಟು ಬ್ಯುಸಿ. ವಾಹನದಲ್ಲಿ ಹೆಂಡತಿ, ಮಗು/ಮಕ್ಕಳು ಕುಳಿತಿದ್ದರೂ ನಮಗೆ ಅದರ ಪರವಾಹ ಇಲ್ಲ. ಕತ್ತನ್ನು ಒಂದು ಕಡೆಗೆ ಓಲಿಸಿಕೊಂಡು ಒಂದು ಕೈಯಲ್ಲಿ ಮೊಬೈಲ್ ಹಿಡಿದುಕೊಂಡು ಮತ್ತೊಂದು ಕೈಯಲ್ಲಿ ವಾಹನದ ಹ್ಯಾಂಡಲ್ ಹಿಡಿದು ವಾಹನ ಓಡಿಸುವ ಪರಿ ನಮ್ಮ ದೇಶದಲ್ಲಿ ಮಾತ್ರ ಕಾಣಲು ಸಾಧ್ಯ!

ಯಾವುದೇ ವಾಹನ ನಡೆಸುವಾಗ ಮೊಬೈಲ್ ಸಂಭಾಷಣೆ ಎಲ್ಲ ದೇಶಗಳಲ್ಲಿದ್ದಂತೆ ನಮ್ಮಲ್ಲೂ ನಿಷಿದ್ದ. ಕಾನೂನು ಮಾಡುವವರಿಗೆ ನಾವೆಷ್ಟು ಬ್ಯುಸಿ ಎಂದು ಏನು ಗೊತ್ತು? ಕಾನೂನನ್ನು ಪಾಲಿಸಬೇಕೆಂದು ಎಲ್ಲಿದೆ ನಿಯಮ. ಮೊಬೈಲ್ ಸಂಭಾಷಣೆಯೊಂದಿಗೆ ವಾಹನ ಚಲಿಸುವ ಗಮ್ಮತ್ತು ಇವರ್ಯಾರಿಗೆ ಗೊತ್ತು? ವಾಹನದಲ್ಲಿ ಚಲಿಸುವಾಗ ಕರೆ ಬಂದರೆ ಪಕ್ಕದಲ್ಲಿ ವಾಹನ ನಿಲ್ಲಿಸಿ ಕರೆ ಸ್ವೀಕರಿಸುವ ಪುರುಸೊತ್ತು ಯಾರಿಗಿದೆ? ಕರೆ ಬಂದದ್ದು ಫೋನಿನಲ್ಲಿ ನಮೂದಾಗಿದ್ದರೂ ಮತ್ತೆ ನಾವು ಕರೆ ಮಾಡುವವರೆಗೆ ಕಾಯುವ ತಾಳ್ಮೆ ಕರೆ ಮಾಡಿದವರಿಗೆ ಇರುತ್ತದೆಯೇ? ಹಾಗಾಗಿ ಚಲಿಸುವಾಗಲೇ ಮಾತನಾಡುವ ಅಭ್ಯಾಸ ನಮಗಾಗಿದೆ. ಎಲ್ಲರೂ ಹೀಗೆ ಮಾಡುತ್ತಿರುವುದರಿಂದ ನಾವು ಮಾಡುವುದು ತಪ್ಪು ಅಥವಾ ಅಪರಾಧ ಎಂದು ಎನಿಸುವುದೇ ಇಲ್ಲ! ನನ್ನಂಥ ನಾಲ್ಕಾರು ತಲೆ ಕೆಟ್ಟವರಿಗೆ ಇದನ್ನು ಕಂಡಾಗ ಕೋಪ ಬರಬಹುದು. ಇದರಿಂದೇನು? ನಾವು ಮಾತಾಡುತ್ತಲೇ ಇರುತ್ತೇವೆ. ಎಲ್ಲ ಮೊಬೈಲ್ ಕಂಪನಿಗಳೂ ಹೆಚ್ಹು ಹೆಚ್ಚು ಮಾತಾಡಿ ಎಂದು ಹುರಿದುಂಬಿಸುತ್ತಿಲ್ಲವೇ ನಾವು ಅವರ ಮಾತು ಕೇಳದೆ ಅವರಿಗೆ ಬೇಜಾರು ಮಾಡುವುದು ನ್ಯಾಯವೇ?

ಮೊನ್ನೆ ನಾನು ರಸ್ತೆಯಲ್ಲಿ ನಡೆದು ಹೋಗುವಾಗ ಕುತೂಹಲಕ್ಕಾಗಿ ನನ್ನ ಎದಿರು ಬದಿಯಿಂದ ಬಂದ ದ್ವಿಚಕ್ರ ವಾಹನಗಳಲ್ಲಿ ಮೊಬೈಲ್ ಸಂಭಾಷಣೆ ಮಾಡುತ್ತ ವಾಹನ ನಡೆಸುತ್ತಿದ್ದವರ ಎಣಿಕೆ ಮಾಡಿದೆ. ನಾನು ಸುಮಾರು 3 ಕಿ.ಮೀ (one-way) ಕ್ರಮಿಸಿದೆ. ದಯಮಾಡಿ ನನ್ನನ್ನು ನಂಬಿ. ಎದುರಿನಿಂದ ಬಂದ 180 ದ್ವಿಚಕ್ರ ವಾಹನಗಳಲ್ಲಿ 164 ಸವಾರರು ಮೊಬೈಲ್ ಸಂವಾದದಲ್ಲಿ ತೊಡಗಿದ್ದರು! ದ್ವಿಚಕ್ರ ವಾಹನವಲ್ಲದೆ ಬೇರೆ ವಾಹನಗಳಲ್ಲು ಮೊಬೈಲ್ ಸಂಭಾಷಣೆಯ ಚಾಲಕರಿದ್ದರು. ನಾನು ದ್ವಿಚಕ್ರ ಚಾಲಕರನ್ನು ಗಮನಿಸುತ್ತಿದ್ದುದರಿಂದ ಬೇರೆ ವಾಹನಗಳ ಲೆಕ್ಕ ಮಾಡಲಾಗಲಿಲ್ಲ.

ಮೈಸೂರಿನಿಂದ ಬೆಂಗಳೂರಿಗೆ ಹೋಗುವಾಗ ನೂರಾರು ದ್ವಿಚಕ್ರ ವಾಹನ ಚಾಲಕರು ಮೊಬೈಲಿನಲ್ಲಿ ಸಂಭಾಷಿಸುತ್ತಲೇ ತೆರಳುವುದನ್ನು ನಾವೆಲ್ಲರೂ ಗಮನಿಸಿದ್ದೇವೆ. ಅವರಿಗೆ ಹೈ-ವೇನಲ್ಲಿ ಚಲಿಸುತ್ತಿದ್ದೇವೆಂಬ ಪರಿಜ್ಞಾನವೇ ಇರುವುದಿಲ್ಲ.

ಕಳೆದ ವಾರ ಆರ್.ಟಿ.ಓ ಕಚೇರಿಗೆ ಹೋಗಿದ್ದೆ. ಅಲ್ಲಿನ ವಿಚಾರಣೆಯ ಕೌಂಟರಿನಲ್ಲಿ ಕುಳಿತಿದ್ದ ಅಧಿಕಾರಿಯನ್ನು ಮಾತನಾಡಿಸಲು ನನಗೆ 12 ನಿಮಿಷ ಬೇಕಾಯಿತು. ಆ ಅಧಿಕಾರಿ ಮೊಬೈಲ್ ಸಂವಾದದಲ್ಲಿ ಬ್ಯುಸಿ ಆಗಿದ್ದರು ಎಂದು ಹೇಳುವ ಅವಶ್ಯಕತೆ ಇಲ್ಲ . ಇದು ಎಲ್ಲ ಸರಕಾರೀ ಕಛೇರಿಗಳ ದುಃಸ್ಥಿತಿ. ಸಂದರ್ಶಕರನ್ನು ಕೇಳುವವರೇ ಇಲ್ಲ. ಆದರೂ ಒಂದು ಸಮಾಧಾನ. ಸರಕಾರೀ ಫೋನುಗಳ ದುರ್ಬಳಕೆ ಕಡಿಮೆಯಾಗಿರಬಹುದೆಂದು!

ಮೊಬೈಲ್ ಸಂಭಾಷಣೆಯಲ್ಲಿ ಮೆಲು ಧ್ವನಿಯಲ್ಲಿ ಮಾತನಾಡಿದರೆ ಆ ಬದಿಯವರಿಗೆ ಕೇಳುವುದಿಲ್ಲವೆಂಬ ಸಂದೇಹ ನಮಗೆ. ಹಾಗಾಗಿ ಜೋರು ಧ್ವನಿಯಲ್ಲೇ ಮಾತನಾಡುವ ರೂಡಿ ನಮಗಾಗಿದೆ. ಇದರಿಂದ ಬೇರೆಯವರಿಗೆ ಮುಜುಗರವಾದರೆ ನಮಗೇನು? ನಮ್ಮ ಸಂಗತಿ ಇತರರಿಗೆ ಗೊತ್ತಾದರೆ ಏನಂತೆ? ನಾವಂತೂ ಮಾತನಾಡುವವರೇ. ರಾತ್ರಿಯ ಸ್ಲೀಪರ್ ರೈಲಿನಲ್ಲೂ ಗಂಟೆಗಟ್ಟಲೆ ಗಟ್ಟಿ ಧ್ವನಿಯಲ್ಲಿ ಮಾತನಾಡುವ ಗಟ್ಟಿಗರು ನಾವು! ಬೆಳಗಿನ ವೇಳೆ ವಾಕ್ ಮಾಡುವಾಗ ಪಾರ್ಕಿನಲ್ಲೂ ನಮಗೆ ಮೊಬೈಲಿನಲ್ಲಿ ಗಟ್ಟಿ ದ್ವನಿಯಲ್ಲಿ ಮಾತನಾಡುವ ಹವ್ಯಾಸ.

ಈಗಂತೂ ನೂರಾರು ಕಂಪನಿಗಳಿಂದ ಬಗೆ-ಬಗೆಯ ಹ್ಯಾಂಡ್ ಸೆಟ್ಟುಗಳು ಬಂದಿವೆ. ಇವು ನಮ್ಮಪ್ರತಿಷ್ಠೆಯ ಪ್ರತೀಕವೂ ಹೌದು. ಹ್ಯಾಂಡ್ ಸೆಟ್ಟಿನಿಂದ  ವ್ಯಕ್ತಿಯ ಯೋಗ್ಯತೆ ಅಳೆಯಬಹುದೆನ್ನುವ ತೀರ್ಮಾನಕ್ಕೆ ಬಂದಿದ್ದೇವೆ. ಹಿಂದೆಲ್ಲ ಒಂದೊಂದು ಮೊಬೈಲ್ ಇಟ್ಟುಕೊಳ್ಳುವುದೇ ದುಸ್ತರವಾಗಿತ್ತು. ಈಗ ಕನಿಷ್ಠ ಎರಡು ಹೊಂದಿರುವುದು ಸಾಮಾನ್ಯವಾಗಿದೆ.

ಮೊಬೈಲಿನಿಂದ ಪೇಚಿಗೆ ಸಿಲುಕಿರುವ ಪ್ರಸಂಗಗಳು ಬಹಳಷ್ಟಿವೆ. ಹಾಗೆಯೇ ಅದರಿಂದ ಬಚಾವಾದ ಸಂಗತಿಗಳು ಸಾಕಷ್ಟಿವೆ. ಮೊನ್ನೆ ನಾನು ಮೈಸೂರಿನಿಂದ ಬೆಂಗಳೂರಿಗೆ ಪ್ರಯಾಣ ಮಾಡುತ್ತಿದ್ದಾಗ ನನ್ನ ಪಕ್ಕದಲ್ಲಿದ್ದ ಪ್ರಯಾಣಿಕ ಅವರ ಬಾಸಿಗೆ ನಾವು ಮಂಡ್ಯದಲ್ಲಿದ್ದಾಗ, ಬೆಂಗಳೂರಿನ ಮಜೆಸ್ಟಿಕ್-ನಲ್ಲಿರುವುದಾಗಿಯೂ, ಅಲ್ಲಿಂದ ನೇರವಾಗಿ ಅವರ ಗ್ರಾಹಕರನ್ನು ಭೇಟಿಮಾಡಿ ಕಛೇರಿಗೆ ಬರುವುದಾಗಿ ತಿಳಿಸುತ್ತಿದ್ದ. ನಮ್ಮ ಬ್ಯಾಂಕಿನಲ್ಲಿ ಕಂಪ್ಯೂಟರ್ ಬಳಕೆ ಪ್ರಾರಂಭವಾದ ಹೊಸತರಲ್ಲಿ ಕೆಲವು ಅಧಿಕಾರಿಗಳಿಗೆ ವಿಶೇಷ ತರಬೇತಿ ಕೊಟ್ಟು ಅವರಿಗೆ ಮೊಬೈಲ್ ಹ್ಯಾಂಡ್ ಸೆಟ್ ಕೊಡಿಸಿದ್ದರು, ಶಾಖೆಗಳವರು ತೊಂದರೆಯಾದಾಗ ಸಂಪರ್ಕಿಸಲೆಂದು. ನಮ್ಮ ಯಾವ ತುರ್ತು ಸಮಯದಲ್ಲೂ ಆ ಯಾವ ನಂಬರ್ರು ಸಿಗುತ್ತಲೇ ಇರಲಿಲ್ಲ!

ನನ್ನ ಸಹೋದ್ಯೋಗಿಯೊಬ್ಬರು ಪ್ರೀಮಿಯರ್ ಸ್ಟುಡಿಯೋ ಹತ್ತಿರ ಮೊಬೈಲಿನಲ್ಲಿ ಮಾತನಾಡುತ್ತ ರಸ್ತೆ ದಾಟುವಾಗ ಬಸ್ ಒಂದು ಅಪ್ಪಳಿಸಿ ರಸ್ತೆಯಲ್ಲೇ ಅವರು ಕೊನೆ ಉಸಿರು ಎಳೆದದ್ದು ವಿಷಾದದ ಸಂಗತಿ.

ಇಷ್ಟೆಲ್ಲಾ ಹೇಳಿದಮೇಲೆ, ಮೊಬೈಲ್ ಫೋನ್ ಬಗ್ಗೆ ನನಗೆ ತಿರಸ್ಕಾರ ಇದೆ ಎಂದು ತಿಳಿಯಬೇಡಿ! ಅದರ ಅನೇಕ ಸದುಪಯೋಗಗಳು ನನಗೆ ತಿಳಿದಿದೆ. ಆಪತ್ಬಾಂದವ, ಅನಾಥ ರಕ್ಷಕನೆನ್ನುವುದು ಗೊತ್ತಿದೆ. ನನ್ನ ಕಳವಳ ಅದರ ದುರುಪಯೋಗದ (abuse) ಬಗ್ಗೆ ಮಾತ್ರ.

ಸಧ್ಯ ನನ್ನ ಮೊಬೈಲ್ ರಿಂಗ್ ಆಗುತ್ತಿದೆ. ಕರೆ ಸ್ವೀಕರಿಸಿ ಮುಂದಿನ ಬ್ಲಾಗ್ ನಲ್ಲಿ ಭೇಟಿಯಾಗುತ್ತೇನೆ. ನಮಸ್ಕಾರ.